رئيس التحرير: عادل صبري 02:39 مساءً | الأحد 16 ديسمبر 2018 م | 07 ربيع الثاني 1440 هـ | الـقـاهـره 22° غائم جزئياً غائم جزئياً

فيديو.. مقدم "ألش خانة" لمنتقديه: مش إخوان وضد العسكر

فيديو.. مقدم ألش خانة لمنتقديه: مش إخوان وضد العسكر

سوشيال ميديا

مقدم ألش خانة

فيديو.. مقدم "ألش خانة" لمنتقديه: مش إخوان وضد العسكر

محمد رشاد المدهون 18 ديسمبر 2014 15:16

رد مقدم برنامج "ألش خانة" في تسريب من حلقة السبت المقبل، 20 ديسمبر، على منتقديه بقوله: "أنا ضد الإخوان وضد العسكر، لكن عندي وجهة نظر".

 

وكتب مقدم "ألش خانة" علي الصفحة الرسمية للبرنامج على موقع التواصل الاجتماعي "فيس بوك": "يا دين النبي ع الناس اللي مستنيين جنازة يشبعوا فيها لطم.. أولا طز فيا .. مش كل شوية واحد يتعوج علينا ويقول أنا هاوقف علشان خايف على بيتي وعيالي أو هاوقف علشان أنا زهقت أو الهرس ده".

 

وتابع: "ثانيا طز فيا جدا .. هو كل واحد سمع تعليقين ما عجبهوش هايتقمص ويسكت عن فكرته ويقعد قعدة عبلة كامل حاطت إيده على خده يتفرج".

 

وأضاف: "ثالثا طز فيا آخر حاجة .. لو فيه ناس مهتمة بالهري اللي باهريه وناس تعبت في إنها تعده وتخرجه للناس وتنشره وبعدين أحلق لهم وأقعد أفخد وأسيبهم .. أسباب إنها إحتمال (ورب الكعبة قلت إحتمال بس) إنها تكون آخر حلقة لي في الألش خانة مش حاجة من الحاجات اللي فوق دي مشكرين على حسن الظن :|".

 

وأردف: "السبب إن بالرغم من إهتمام حضراتكم بالمادة المقدمة في الألش خانة إلا إننا حريصين إن كلامنا ما يبقاش بس للتسلية أو لفش الغل أو لزيادة المعلومات اللي ممكن يتم جمعها ب100 طريقة ثانية أو أو أو إلخ.. والحقيقة لو إن الإستفادة من الألش خانة هاتبقى بس الثلاث حاجات دي أو حاجات غيرها مما لا ينبني عليه عمل فصراحة هايبقى الثمن اللي بيتدفع مقابل الكلام أكبر من النفع الحاصل .. وبالتالي محتاج وقت لتقييم ما تم لحد دلوقتي وأثره والتفكير في إمكانية تقديم شئ أكثر إفادة".

 

وأردف: "وفيه كمان سببين شخصيين أصلا زانقينّي في الوقت بشدة بس مؤقتا.. أولا: عقبال عندكم منتظر وصول بيبيهات جداد والدنيا مقلوبة في البيت ومشغول بالتجهيز لهم جدا.. ثانيا: عندي شوية تغييرات في الشغل ولسه مش مستوعب اللي بيحصل ومش قادر أحدد وقت للفيديوهات".

 

واختتم قائلاً: "طيب هانكمل فيديوهات بعد حلقة السبت؟!.. إن شاء الله أكيد .. إمتى وإيه ومين؟!.. لسه مش عارف.. الألش خانة هاتكمل؟! .. إن شاء الله الصفحة مكملة والكبسولات الصوتية والمكتوبة ويمكن فيديوهات كمان".

 

ألش خانة هو برنامج يبرز المتناقضات في أداء وسائل الإعلام، ويتناول الظواهر التاريخية والسياسية بالأدلة العقلية، حسب قول مشاهدي البرنامج.

 

شاهد الفيديو..

 

اقرأ أيضًا : 

  • تعليقات فيسبوك
  • اعلان