رئيس التحرير: عادل صبري 02:39 صباحاً | الاثنين 17 ديسمبر 2018 م | 08 ربيع الثاني 1440 هـ | الـقـاهـره 22° غائم جزئياً غائم جزئياً

علاء عبدالفتاح للقوى السياسية: ما تزعلوش.. راجع السجن كمان كام أسبوع

علاء عبدالفتاح للقوى السياسية: ما تزعلوش.. راجع السجن كمان كام أسبوع

سوشيال ميديا

علاء عبدالفتاح

علاء عبدالفتاح للقوى السياسية: ما تزعلوش.. راجع السجن كمان كام أسبوع

محمد رشاد 25 أكتوبر 2014 21:38

هاجم الناشط السياسي، علاء عبدالفتاح، كل التيارات السياسية من نظام وفلول وإسلاميين وقوى ثورية، مشيرا إلى أنه سيريحهم منه في القريب العاجل، وأنه سيعود إلى السجن في غضون عدة أسابيع.

وكتب عبدالفتاح، في تدوينة له على موقع التواصل الاجتماعي "فيس بوك"، "السادة السيسجية والشفافشقة والدولجية والفلول.. خلاص كل اللي بتحلموا بيه هيحصل وراجع السجن كمان كام اسبوع.. ممكن بقى تسيبوني في حالي اليومين دول استمتع بالنت شوية من غير ازعاجكم بما إنها بتوحشني لما اتحبس؟ أنتم عالم جامدة جدًا و منتصرين علينا و احنا متبهدلين آخر حاجة و بنطلع من الحبسة على الحبسة و مش ملاحقين نشكل أي تهديد لأسيادكم ولا عارفين حتى نطفش من أم البلد و نسيبهالكم.. خلاص بقى روحوا احتفلوا بانتصاركم و ارقصوا على أنغام تسلم الأيادي و انسونا".

وأضاف عبد الفتاح: "السادة الإخوان والسلفيين وسائر الإسلاميين ومؤيدي الشرعية.. خلاص هتتصحح الأوضاع وهرجع السجن وأبقى مضطر أتعامل مع زملائكم هناك بشكل يومي وبجرعات مكثفة فياريت تخفوا عني شوية الكام يوم اللي فاضلينلي.. أنتم عالم جامدة جدًا و مبهدلين الانقلاب ومخلينه يترنح وقايمين بالثورة لوحدكم وحكم الإسلام قادم و كله هيبقى تمام.. خلاص بقى انسوني".

وتابع عبدالفتاح: "السادة الثوار المؤدبين اللي زعلانين قوي من إزاي كلامي على النت.. وأنا ممنوع من كل المنابر تقريبًا.. ومنسحب من كل النشاط تقريبًا.. إلا ما يتم توريطي فيه كواجب.. خلاص هتخلصوا من وشي ووجع دماغي وإصراري على الخوض في معارك خاسرة (قال يعني متاح لينا معارك ينفع نكسبها) وهرجع لموقعي المفضل بالنسبة ليكم، معتقل صوته مغيب كويت قابل للتضامن والتعاطف من غير ما يعمل مشاكل.. حلوا عني واعفوني من نصائحكم و حكمتكم و......... أنتم الحقيقة مش بتدعوا إنكم ناس جامدة زي الباقيين فمفيش مدعاة للجزء الثاني من الكلام.. بس انا مش فاهم آخر مرة عملنا أي عمل مشترك كان امتى عشان تبقوا بتتعاملوا على انكم متورطين في.. فهموا الناس إننا حاجات مختلفة أهي فرصة تعلموهم التعددية وحلوا عني و السلام".

وقال عبدالفتاح: "بما أني ماسك نفسي بقالي كثير و طلع من غير فائدة.. فدي فرصة أقول ملعون أبو السيسي ....... السفاح بتاعكم و ملعون أبو كل بهيم اشتغل نفسه وادعى إن بصناعة فرعون من ضابط أهبل ده هيبقى حل لأي مشكلة في مصر".

واختتم عبدالفتاح: "بالنسبة لباقي الناس اللي بتزعل مني لأسباب حقيقية معلش بقى، استحملوني الكام يوم دول و أشوف وشكم بخير".

 

 

يذكر أنه تم الإفراج عن الناشط السياسي علاء عبدالفتاح في 15 سبتمبر الجاري، وأحيلت قضيته إلى محكمة أخرى.

 

اقرأ أيضًا:

  • تعليقات فيسبوك
  • اعلان