رئيس التحرير: عادل صبري 09:53 صباحاً | الأربعاء 21 نوفمبر 2018 م | 12 ربيع الأول 1440 هـ | الـقـاهـره 28° صافية صافية

فتيات يضعن "قواعد الرجال الثلاثون"

فتيات يضعن قواعد الرجال الثلاثون

سوشيال ميديا

رجل - أرشيفية

فتيات يضعن "قواعد الرجال الثلاثون"

22 أكتوبر 2014 20:35

تداولت فتيات على موقع التواصل الاجتماعي "فيس بوك" 30 قاعدة ساخرة من الرجال، ردا على "بنات الأربعون" target="_blank">قواعد البنات الأربعون" التي تناولت جوانب حياتية متعددة للمرأة بشكل ساخر. 

 

القواعد الثلاثون جاءت كالتالي: 

1- مين قالك ان الراجل بيحب التحكم، ابسلوتلي نوت، هو بس مفكرك عروسه بزراير يتك عليها تنور يضغط عي بطنها تنور علي شعرها تكهرب علي اديها تلعبط، معلش عنده نقص من وهو صغير أهله مش بيوده السيرك.

2- الراجل بطبيعته رغاي، بس زي ما تقولي بعد سن المراهقه بطلعله ففيق في بوءه بتخليه قليل الكلام والسمع بعيد عنك بعد كدا.

3- مين قالك ان الراجل قليل الأدب، اوف كورس نوت، دا حمل وديع هو بس اللي خلي ام وديع تحمل اصلا.

4-عادي يبص علي واحدة، ويكون مركز ولما تاخدي بالك يعمل انه سرحان، التأمل بيحبك عند بنت لابسه فيزون أو قصير.

5- الاشكال اللي زي دي مش بتموت يا ماما دي قاعده علي قلبنا تأذي فينا قرن ورا قرن، فلا داعي للقلق عليهم متفكريش انه مش بيرد انه جراله حاجه لا يا حببتي دا بياكل رز باللبن مع الملايكه دا لو مكالش الملايكه بالمره.

6- الراجل بطبعه كائن اجتماعي متفتح، وكل فتحة وفتحه صعب تلاقيه من غير واحدة، آه دي أختي دي صحبتي دي بنت عمة خالت اخو بابا زملتي وبنت ابن اخت خالة ماما.

7- بيحب الخير من يومه يعني تلاقيه دايما متبرع كاس عصير للموزة اللي هناك و يغمز لها، علي حسابي تذكرة سينما عشان يونس اللي مش متونسة جوة، تذكرة أتوبيس موافقته علي فصال ست حلوه و يديها هدية مشط فلايه، وحنين أووووي يلاقيكي بتعيطي منهاره يخد نفس اييييييه مالك في ايه تقولي مفيش تلاقيه جري قالك طيب لما تبقي كويس كلميني. "كلمتك جنابك يا بعيد".

8- سياسي محنك معه خبره سنتين من الفرجة علي بوستات الفيس، ايش فاهمك انتي يا جاهلة، هو الصح طبعًا ومعه علامة الجودة.

9- صاحب الريموت الأول والأخير، زي ما هو صاحب البيت كدا زي ما بردو الأكل اللي بيحبه هو اللي يتعمل واللي بتحبه دا تاكليه عند "امك" عشان مبيحبش ريحة القلقاس ولا الملوخيه ولا الباميه ولا البسيله ولا الفيسخ ولا الرنجة.

10- صريييييح لدرجة تميل للبجاحة، لو مكنتش البجاحة نفسها تمر السنين مع بعض و فجأه يزيد الإهمال والوايتنج، اه انا بحبك بس ماما مش موافقة، بابا رافض، أخويا بيسنن، تيتا ماتت وتعبانه علي الآخر، عندي الكبد و خايف أعديكي، انتي تستاهلي حد أحسن مني.

11- هو دايما الصح حتي لو هو غلطان، ايوه يا ستي ايوه، هو كدا انتي زعلانه بردو انتي اللي تصالحيه، انتي اللي عيانه بردو انتي اللي خدي بالك منه، انتي اللي مخنوقه بردو انتي اللي تفتحي الكلام وتهوديه علي أد عقله، وانتي اللي تقوليلو: قولي كلمه حلوه بقي عشان تصالحي بيها نفسك.

12- يدعو للجنان تلاقيه طيب و كيوت وفجأه يقلب العن من غسان مطر و يقولك انا اتقفلت سبني دلوقتي، وعادي جدا تلاقيه نازل مع صحابه أو بيكتب كومنتات علي الفيس، بس مش فاضيلك تحسي إنك انتي اللي بتجبيله الاكتئاب بصوتك و حضورك دا.

12- مثبتاتي وماجيستر في غسيل المخ، درجة أولي تلاقيه مزعلك و مطلع عنيكي و شاخط فيكي و قافل السكه ف وشك و مطلوب اول ما يقول بحبك تنسي كله حاجة.

13- لما يقولك في غز الخناقه متعليشش صوتك انا بقولك اهووووووو انا راجل و انتي بنت رغم انه هو الغلطان يقلب الترابيزه عليكي في مينت، متزعليششششش، اولا الزعيق بيدل علي انه عنده مشكله ف ودانه ف بيعلي صوته عشان يسمع نفسه، انا راجل و انتي بنت عنده فوبيا العظمه نستحمله معلش مريض يا بنتي، ليس علي المريض حرج.

14- بيتعب اي والله بيتعب بيروح الشغل محسني انه بيشتغل في وكالة ناسا المهم و يرجع ينام و يتفرج علي التلفزيون و ينزل لصحابه ! انما انتي تافهه مواركيش حاجه مهمه اصلا، اعمالك ف نظره تتوقف عل قاعدة ف البيت معززه مكرمه بتتكلمي ف التليفون و تلعبي ف ضوافرك و تعملي شوبنج علي اساس ان البيت دا تومتيكي توماتيكي.

15- مناعة ضعيفه فـ يا ستار يا رب لو جاله شوية برد يالهوووووووي يحسسك انه بيودع و خدي بالك من العيال يا بتعه و سكتي الواد و البت دول حرام يا عالم تعبان و عادي يعديكي و يخف هو و يقولك بطلي دلع دول شوية برد .. قومي هاتلي اشرب و حضري العشا و اكولي القميص البنفسجي و خدي بالك من كسرة البنطلون البني بسرعه بقي جعااااااااااااااااااااان انتي لسه مقومتيش!

15- يحب الفرفشه هو مالو هو و مال ضهرك وجعك و ركبك ناقحه عليكي و الاسعار نار ولا متخانقه مع مامتك ولا متخانقه معه هو شخصيا هو مالوووووو اضحكي فكي وشك عشان لو مفكتيش وشك هيروح لغيرك يفُك.

16- عنده حساسيه من كل الطلبات و خاصة كلمة عاوزين المصروف تلاقي وشه قلب شارب و جيبه كرمش و الضغط ارتفع ! ناقص يقولك قلبي قلبي و لو طالبه 100 جنيه يرسو علي 15 جنيه و ربع.

17_ لا يوجود ف قاموسه كلمة معرفش تلاقيه فتاي ف كل حاجه ميقولكيش معرفش الا لما يبقي قرفان منك ^^ بيقولهالك علي سبيل التعذيب كأنه معه سر نملة الارض

18- مفكر زنك علي الفرح دا عشان تغيظي العيال صحابك و تحطي صور و تلبسي فستان مش قادر يستوعب انك بتحبيه و نفسك تكوني معه بقي بقيت العمر و تحسي بالامان.

19- فاكر نفسه توم كروز ف بيعاملك علي انك مفروض تكوني اليسا ولا هيفا عاوزك حلوه و اموره هاديه رومانسيه دول الوقت وخده بوز الشوق الشوق الحضن الحضن معندهوش مرايات ف البيت اظاهر.

20- الراجل طفل كبير مسافه ما يملك الشئ يزهده فتلاقي النوع الذكر من دول بيعاملك علي انك عربيه بلاستك ف فاترينه مسافة ما يشتريها يلعب بيها يكسرها يدور علي حاجه جديده.

21- بيدخل الحمام بالساعه مصطحب معه يا موبيله يا جورنانه بيعامل الحمام علي انه فقره ترفيهه لكي يتواصل مع التكنولوجيا المستقبليه.

22- حسه الخيالي عالي ديما عايش دور المظلوم المقموص المهموم انما انتي كائنه جليديه من بلوتو.

23- الكائن اللي بيتعامل معاكي ف اول الخطوبه او التعارف غير الكائن اللي هتشوفيه بعد ما تكملو سنه سوا عشان متتصدميش بس.

24- يعني ايه زهقانه حضرتك مهو لسه مخرجك من كام شهر و عازمك علي وجبه من كنتاكي من ام 13 جنيه مالك فيكي ايه انتي ديما مبيعجبكيش حاجه!

25- لما يقولك بحبك و بموت فيكي و يستحيل اسيبك سجليله اجري سجليله بسرعه الحاجات دي اصلها بتتنسي بسرعه البرق.

26- لو قالك ف ساعة صفا احكيلي عن اللي فات من عمرك من غيري لو حبتي حد اتعرفتي علي حد "اووووووووعي تحكي بالتفاصيل اوي ... الصنف دا مش بينسي حاجه ابدا و هيعايرك بيها العمر كله كانك وخده بشله ف وشك و عطف هو عليكي ولا مثلا دخلتي عليه بعيل"!

27- قلاب زي الكرسي اللي ف المكروباص تبقي لسه عامله حاجات حلوه عشانه و فجأه لو عملت ربع حاجه وحشه اذا انتي وحشه و يع و تستاهلي العقاب.

28- أساليبه ف الغيظ و الفقع ابساطها انه يروح يكلم وحده عليكي و يتعمد خليكي تشوفيه و السر ف انه بيحب يشوفك غيرانه "يا كمال امه يا ناس".

29- عشان تتكلمي معه محتاجه معاد و حجز قبلها يحسسك انه رئيس مراجيح مولد النبي ديما اقفلي عشان مش فاضي! بعدين بعدين!

30- يعني ايه يتصل يلاقيكي وايتنج هاه هاه لا و بليل! يبقي كدا قطع الشورت بالبسين انك بتلعبي بديلك انما هو! الفجر تلاقيه وايتنج! ساعه ساعتين! ايه بكلم صحبي ف موضوع حيوي اللي هو عن انه مش عارف يعمل سيراميك شقته بني فاتح من ابو 25 المتر ولا بني غامق من ابو 25 المتر وبعدين ينزل بقصيدته انتي مش واثقه فيا!

اقرأ أيضًا:

  • تعليقات فيسبوك
  • اعلان