رئيس التحرير: عادل صبري 01:07 صباحاً | الثلاثاء 25 سبتمبر 2018 م | 14 محرم 1440 هـ | الـقـاهـره 34° صافية صافية

شيتوس: احنا محظوظين لأننا معاصرناش الحروب وأهوالها

شيتوس: احنا محظوظين لأننا معاصرناش الحروب وأهوالها

سوشيال ميديا

وائل رياض

شيتوس: احنا محظوظين لأننا معاصرناش الحروب وأهوالها

معاذ حجازى 08 أكتوبر 2014 12:44

أوضح وائل رياض، نجم النادى الأهلى ومنتخب مصر السابق، أن الجيل الحالى محظوظ لعدم معاصرته أهوال الحروب، شاكرا كل من شارك فى حرب أكتوبر المجيدة.

وقال "رياض" فى تدوينة على حسابه الشخصى عبر موقع التواصل الاجتماعى "فيس بوك": " خاطرة علي الماشي : كنت بتفرج علي فيلم السادات المذاع بمناسبة ذكري حرب أكتوبر المجيدة، 1- المهم بجد الشكر كل الشكر لكل واحد شارك في حرب أكتوبر اللي لولاها ارضنا ماكنتش اتحررت وكمان بجد احنا جيل محظوظ اوي ان احنا طلعنا وماعصرناش الحروب واهوالها وبدعي ربنا ان احنا نفضل في سلام وامان علي طول".

وأضاف نجم النادى الأهلى ومنتخب مصر السابق: " ٢- جه في دماغي بردو فرحة الناس والشعب لما كانوا بيسمعوا عن اسقاط طائرات العدو أو إن إحنا عبرنا وفي الاخر انتصرنا وحبيت اعمل مقارنة بين الفرحة دي وفرحة فوز المنتخب الوطني في اي مباراة او اي بطولة وبجد "استهيفت" الفرحة التانية اوي".

وتابع: " ٣- بجد مع جو الاحتفال بالانتصار العظيم ده حاجة تزعل الصراعات الداخلية الموجودة في مصر من صراع احزاب وجماعات وافراد وتحس كده ساعة حرب ٧٣ ان الناس والشعب كله كان علي قلب رجل واحد لكن دلوقتي كل واحد بيفكر في نفسه فقط".

واستطرد: "أخيرا ربنا يكرم وينصر مصر دايماً وان شاء الله نستقر ونتقدم علشان والله احنا نستحق احسن من اللي احنا فيه لكن كله بمعاده".

واختتم تدوينته قائلا: " تحيا مصر".

واحتفل المصريون،أول أمس الاثنين، بالذكرى الـ41 لنصر 6 أكتوبر، وألقت طائرات هليكوبتر تابعة للقوات المسلحة كوبونات هدايا تذكارية على المواطنين، في ميادين التحرير وباب اللوق ومنطقة قصر النيل؛ وذلك احتفالاً بالذكرى الحادية والأربعين لانتصارات أكتوبر المجيدة.


اقرأ أيضًا..

  • تعليقات فيسبوك
  • اعلان