رئيس التحرير: عادل صبري 07:07 صباحاً | السبت 17 نوفمبر 2018 م | 08 ربيع الأول 1440 هـ | الـقـاهـره 26° صافية صافية

بعد هجوم تامر عبدالمنعم..زياد العليمي: هنجيب حقنا بطريقتنا

بعد هجوم تامر عبدالمنعم..زياد العليمي: هنجيب حقنا بطريقتنا

سوشيال ميديا

زياد العليمي

بعد هجوم تامر عبدالمنعم..زياد العليمي: هنجيب حقنا بطريقتنا

أحمد تايلور 07 أكتوبر 2014 15:01

طالب البرلماني السابق زياد العليمي من متابعيه، عدم الالتفات إلى هجوم الفنان تامر عبدالمنعم عليه، مشيرًا إلى أهمية التركيز في المعارك الرئيسية، بحسب تعبيره.

وفي تدوينة مطولة له على حسابه الشخصي على موقع التواصل الاجتماعي "فيس بوك" قال: "يا زملا؛ شكرًا جداً على اهتمامكم بموضوع قلة الأدب اللي حصلت امبارح، ولو سمحتوا خلينا نركز في معاركنا الرئيسية، المشكلة أصلا كانت بسبب كلامي على انتهاك حق دومة في العلاج، وحقي أنتم كلكم عارفين أني باعرف اجيبه كويس وبطريقتنا مش بطريقة الشتيمة اللي مايملكوش غيرها ولياً كذا رجاء".


أولاً: لو سمحتم لو حد شتم الشخص دة بأمه يمسحها لان دي مش طريقتنا وأمه ست غلبانه ومقهورة على موت ابنها التاني، ومالهاش ذنب في اللي بيعمله الشخص دة، وزي ما اتضايقت ان أمي جت سيرتها من شخص زي دة وحقها هعرف اجيبه كويس، ما نرضاش اننا نعمل دة في ست مالهاش ذنب.

ثانيا: اي حد اتريق على فكرة المشخصاتي لو سمحتوا يراجع نفسه لان المشخصاتي شغلانة محترمة بتنقل فكر وحضارة وفيه ناس كتير بيشتغلوها وهما مايستاهلوش الشرف دة.

ثالثا: الكومبارس مش شتيمة والكومبارسات أشخاص محترمين ماجالهمش فرصة ياخدوا ادوار اكبر، وافتكروا ان كل الأبطال اللي بتحبوهم تقريبا بدأوا كومبارسان، وماينفعش نشبه ناس شرفاء بناس احنا شايفينهم مش كدة ونعتبر اننا كدة بنشتمهم.

رابعا: انا اصلا ف اجازة ومستجم ومش هشغل نفسي ولما ارجع انتم عارفين امي ما اتعودتش حقي يبات برة، بس بنجيب حقنا بطريقتنا.

خامسا: خلينا نركز في معاركنا الرئيسية وماندخلش ف خناقات جانبية وتافهة علشان مانفقدش بوصلتنا وعلشان ننتصر ف النهاية، وندي كل حاجة وكل حد حجمه، وطالما قررنا يبقى لنا علاقة بالعمل العام يبقى لازم نقبل ان ياما هنتشتم، والشتيمة لا بتقلل اللي اتشتم ولا بتزود اللي شتم بالعكس هي دليل ضعف لأن أي عيل صغير ماشي ف الشارع يعرف يشتم ويهزأ أي شخص مهما كان احترامه، خلينا نركز ف المحبوسين ظلم والمنتهكة حقوقهم وف المستقبل اللي هنبنيه أيا كان التمن، وعيب قوي ناس أسقطت أنظمة وبتحارب علشان تبني بلد نستحقها كلنا يتخانقوا على شتيمة وري ما الصوفيين بيقولوا"المتلفت لا يصل".

سادسا: اللي بيحصل دة معناه ان رجالة مبارك بيقاوموا لكن دة مش هيغير حاجة لانهم بقوا زي الديناصورات جزء من الماضي وبيحاربوا للعودة ودة مش هيغير حقيقة ان المستقبل ليكم حتى لو كان صعب وبدا ف لحظات عكس دة.

سابعا: كل سنة وانتم طيبين وربنا يخلينا لبعض، وهننتصر طول ما كتفنا ف كتف بعض، ويجعل ايامكم كلها عيد وآخر تعبكم نصر

 

وكان الفنان تامر قد هاجم العليمي في تدوينة له على حسابه الشخصي على موقع التواصل الاجتماعي "فيس بوك" قائلاً: "الكائن الملظلظ اللي اسمه زياد العليمي بيهددني وبيعايرني ان ابويا سكرتير مبارك الصحفي وحمايا محامي مبارك"، مضيفًا: وانا باعلنها قصاد الجميع وباقوله : اوعي يا تافه يا اللي من الثديات تتصور ان صوابعك زي بعضها".

 

وأضاف موجهًا حديثه للعليمي: "اقسم بالله العظيم اجيب امك من بيتكم واعلقك يا خاين يا عميل يا حقير في ميدان التحرير بتاعك والدكر يخلصك مني اللهم بلغت اللهم فاشهد".

 

اقرأ أيضًا:

  • تعليقات فيسبوك
  • اعلان