رئيس التحرير: عادل صبري 06:40 صباحاً | الثلاثاء 11 ديسمبر 2018 م | 02 ربيع الثاني 1440 هـ | الـقـاهـره 22° غائم جزئياً غائم جزئياً

الخواجة: نشر فيديوهات أسرة علاء عبدالفتاح بالمحكمة ترويع للمجتمع

الخواجة: نشر فيديوهات أسرة علاء عبدالفتاح بالمحكمة ترويع للمجتمع

سوشيال ميديا

دينا الخواجة

الخواجة: نشر فيديوهات أسرة علاء عبدالفتاح بالمحكمة ترويع للمجتمع

محمد درويش 12 سبتمبر 2014 12:39

عبرت دينا الخواجه، أستاذة في كلية الاقتصاد و العلوم السياسية بجامعة القاهرة، و مديرة مبادرة الإصلاح العربي في باريس، عن استيائها من عرض فيديوهات خاصة بزوجة علاء عبد الفتاح أثناء محاكمته بالأمس، حيث وصفت ما حدث بأنه "مكنش إحراج وترويع لعلاء بس، كان ترويع لنا كلنا".

وعلقت الخواجة عبر حسابها الشخصي على موقع التواصل الاجتماعي "فيس بوك"، فقالت "اللي حصل امبارح في المحكمة ضد علاء ماكنش إحراج و ترويع له بس. كان ترويع لنا كلنا، لمكاسبنا اللي اتحققت في المجال العام ثلاث سنين. لقدرتنا علي إنهاء حاله الخوف في صمت من التحرش أو التألم من سكات على تعليقات ذكوريه في العمل و الجامعة و المواصلات.".

وتابعت "امبارح كان لحظه فكرتني بازاي احنا طلعنا أو نزلنا في الآخر ستات، ممكن يعايروا بينا أجوازنا أو أسرنا. أنا شخصياً لقيت فيه امتداد للتحرش اللي حصل في الحرم الجامعي.... زي فجر الطلبه اللي عاكسوا البنت و افتراء الجامعة اللي أصدرت قرار بالملابس المسموح بها في الجامعه، المحكمة امبارح فكرتنا قد ايه احنا تحت المنظار و قيد المراقبه حتي لو في بيوتنا، أظهرت لنا انه مش مهم بنفكر ازاي و لا بنقول ايه و لا بنشتغل ايه. صورتنا ممكن تتنسف في ثانيه لو رقصنا في فرح او عيد ميلاد، لو حضننا أصحابنا في مناسبه او لو عمنا في البحر و كان حد معاه كاميرا!!!!".

واختتمت تدوينتها قائلة: "اللي اتذل إمبارح مش علاء، إنما كل ست حاولت تكسر دايره الخوف و الشرف اللي ربطونا فيها زي الثيران المساقين بدون تفكير أبو الخوف... علي ابو اللي عايز يكسرنا من تاني".


 

تم عرض الفيديوهات خاصة بزوجت الناشط علاء عبد الفتاح ، وذكرت النيابة"هذه الفيديوهات تم أخذها من منزل علاء عبد الفتاح، وتم العثور عليها على جهاز الكمبيوتر الخاص به وبها فيديوهات تخص القضية والبعض لا يخصها"

وقال خالد علي المحامي، إن اللاب توب الذي يحوى الفيديوهات تخص زوجة علاء عبد الفتاح، وأن أمر الضبط والإحضار لم يتضمن تفتيش منزل علاء.

أضاف خالد علي، أن الفيديوهات ليس لها علاقة بالقضية، وأشار الدفاع قائلًا: ما الهدف من مشاهدة الفيديوهات الشخصية؟، وهل الهدف هو التشهير بموكلي ، وأن سلوك النيابة يشعرني بالخوف.

يذكر أن المحكمة كانت قضت في تلك الدعوى بمعاقبة علاء عبدالفتاح و25 متهمًا آخرين، بالسجن 15 عامًا وتغريمهم جميعًا مبلغ 100 ألف جنيه، ووضعهم تحت المراقبة لمدة 5 سنوات.

اقرأ أيضًا:

  • تعليقات فيسبوك
  • اعلان