رئيس التحرير: عادل صبري 12:45 مساءً | الخميس 22 نوفمبر 2018 م | 13 ربيع الأول 1440 هـ | الـقـاهـره 28° صافية صافية

نشطاء يدشنون هاشتاج #‏يا_نكون_واحد_يا_يقتلونا_واحد_واحد

نشطاء يدشنون هاشتاج #‏يا_نكون_واحد_يا_يقتلونا_واحد_واحد

سوشيال ميديا

صورة أرشيفية

نشطاء يدشنون هاشتاج #‏يا_نكون_واحد_يا_يقتلونا_واحد_واحد

محمد السوداني 08 سبتمبر 2014 18:15

أطلقت الناشطة السياسية "غادة نجيب" هاشتاج جديد بعنوان "#‏يا_نكون_واحد_يا_يقتلونا_واحد_واحد"، وطالبت، من خلال الهاشتاج، توحد القوى الوطنية والثورية التي شاركت في ثورة الـ 25 من يناير.

استجاب كثير من نشطاء موقع التواصل الاجتماعي "فيس بوك" لمبادرة "نجيب" التي قالت على حسابها الشخصي على "فيس بوك": "عزيزى ياللى كنت خايف تقول رابعه مدبحه احسن يتقال عليك اخوان، الحمد لله العقده اتفكت وبقيت تقولها بالفم المليان امتى بقى هشوف الهاشتاج ده على صفحتك ‫#‏يا_نكون_واحد_يا_يقتلونا_واحد_واحد".

تفاعل "Mahmoud Kamel" مع مبادرة "نجيب" قائلاً: "دة جبهتنا مكملين للنهاية يا عسكر يا جماعة .. احنا فكرنا في جبهة تضم كل الثوار تحت مظلة واحدة من غير ما يكون في التزام حركي لأي عضو فيها يقيد حريته و التزامنا الأول و الأخير لمباديء الثورة ...عملنا لايحة و خطة و باقي اننا نحشد للفكرة ناس كويسة .. علماء و مفكرين و خبراء اقتصاديين و مدربين تنمية بشريو و مدربين سياسيين، عايزين حكومة ظل كاملة .... تمهيدا لإسقاط دولة السيسي بسلميــــة و في نفس الوقت منديش فرصة للعسكر انه يقدم أجندته للشعب اول ما النظام يسقط على اعتبار انه حامي الحمى و احنا معندناش خطة و لا بديل جاهز للنظام اللي موجود ..عايزاكو تساعدوني في تكوين الجبهة دي و الحشد ليها لو كانت أفكارها متسقة مع أفكاركو ووجهات نظركو  #‏يا_نكون_واحد_يا_يقتلونا_واحد_واحد".

فيما اكتفى البعض بالمشاركة باسم الهاشتاج فقط، قكتب "حلاوه العنتبلى": "لازم كلنا نرجع ايد واحده كله يشارك فى الهشتاج #‏يا_نكون_واحد_يا_يقتلونا_واحد_واحد".

وأضاف"Elking Asem": "‫#‏يا_نكون_واحد_يا_يقتلونا_واحد_واحد #‏ايد_واحدة_في_كل_مكان_ضد_الظلم_والطغيان #‏مش_قد_الشيلة_متشيلش".

 

ولمس بعض النشطاء صعوبة في توحد القوى الثورية مرة أخرى، فقال "ميدو المصرى": "صعب أووووووى يا غاده كلنا عمرنا ما حنبقى واحد".

وهاجمت"حنين المصري" جماعة الإخوان المسلمين، قائلة: "يا غاده الاخون عمرهم ما هيغيره مبدئهم".

وأيدهم في ذلك"Sayed Ahmed" فكتب: "عمرنا ما حنبقي واحد والإخوان عمرهم ما حيتغيروا ..وحيغضلوا محتفظين بخزعبلات دولة الخلافة وتخاربف قطب والبنا والجري ورا كلام قادتهم ..باختصار كائنات عايشة في كوكب تاني ومعندناش استعداد اننا نكرر التجربة معاهم".

وكتب"محمد مختار": "عمرنا ماهنبقى واحد ياغادة ..عارفة ليه لأن أجندتهم غير أجندتك ...هما خارجين علشان الدولة الدينية وإنت علشان دولة المواطنة ...الفترة إللى حكموا فيها كشفت المستور بجد ...سيسعون للتوحد وغايتهم الركوب منفردين مبررين أن الغاية تبرر الوسيلة ...الحل أن يتوحد كل المؤمنين بدولة المواطنة ضد عسكر فلول إخوان سلفيين ...الثورة لصالح كل المصريين وليست لجماعة أو فصيل أو فئة مايغركيش إنهم عاملين فيها ثوار ..دول شياطين وهما إللى وصلوا 25 يناير للى هيه فيه ...المسألة ماعادتش مستحملة مراهقة سياسية".

 

 

اقرأ أيضًا:

  • تعليقات فيسبوك
  • اعلان