رئيس التحرير: عادل صبري 07:44 صباحاً | الأربعاء 19 ديسمبر 2018 م | 10 ربيع الثاني 1440 هـ | الـقـاهـره 21° غائم جزئياً غائم جزئياً

فيس بوك للسيسي: التفويض لازمته إيه؟

فيس بوك للسيسي: التفويض لازمته إيه؟

سوشيال ميديا

الرئيس عبدالفتاح السيسي

بعد مطالبته بحماية محطات الكهرباء

فيس بوك للسيسي: التفويض لازمته إيه؟

محمد السوداني 06 سبتمبر 2014 13:02

أثارت تصريحات الرئيس عبد الفتاح السيسي في الكلمة التى وجهها اليوم للشعب المصري جدلًا كبيرًا على مواقع التواصل الاجتماعي، بعد أن طالب المصريين بأن تكون أعينهم وأياديهم معه لمواجهة من أسماهم "أهل الشر والدمار"، في معرض تعليقه على أزمة انقطاع الكهرباء.

ومن أبرز تصريحات الرئيس التي علق عليها النشطاء: "إحنا محتاجين من كل المصريين والشعب المصري أن يكون عينه ويده معانا، أنا في حي فيه مولدات أو محولات كهرباء خلي عينك معايا متخليش حد يقرب منها".

تباينت ردود الافعال حول "خطاب السيسى"، حيث أشاد البعض به من جانب، وسادت حالة من السخرية من جانب آخر، فقال "Hatem El Khouly": " طب واللمبات الموفره متوزعتش ليه  .... علينا كمان ....".

وتهكم "Mostafa Abd Elmordy" قائلاً: "هو عاوزنا نتبرع لتحيا مصر ولا عاوزنا نتبرع للكهرباء ولا عاوزنا نولع ليه فى نفسنا احسن وساعتها هايقولك علشان خاطر ماسر".

وانتقد " Wafaa Naser"الرئيس عبد الفتاح السيسى قائلاً: "انا مش عارفه انت وظيفتك ايه بالظبط اذا كان الشعب الى هيعمل كل حاجه انت عاجز عن حل مشاكل مصر مصر اكبر منك".

واستنكر " احمد يونس" ما جاء على لسان السيسى فقال: "في اول الكلام مشكله في محطات الكهرباء وفي الاخر بيقول احمو المحولات ازي".

فيما قال "Mỡsţăfă Ráɱádán": "واحنا مالنا اومال فين الجيش والشرطة مش دة امن قومى ودول مسئولين عن الامن القومى".

وتسائل "ayman sabry": "أمال التفويض اللي خدته في 26 يوليو لازمته إيه، لما هنعمل كل حاجة يعني".

وعلى جانب الآخر أشاد البعض بخطاب السيسى، فقال " Maha Aboelsood": " كلام الرئيس مضبوط جدا ياريت نهدا شويه خلينا نعدي من أليي احنا فيه".

وتابع "Ahmed Gega": " طول منتا قلبك علي البلد هنكون ضهر ليك ياريس".

وكتبت "Inas Fikry": "كلنا معاك يا ريس وبلدنا نفديها بارواحنا وبعون الله هنقومها ونعمرها ونبنيها ثقتى بالله كبيرة".

وقال الرئيس السيسي، في كلمته التي وجهها للشعب المصري اليوم، إنه "متفائل بالمستقبل، كما أضاف "أصارح الإعلاميين اللى أنا مرتين كلمتهم على إنهم مهم كلنا نتكلم بلغة الفهم الحقيقي لحجم المشاكل، ثم نقول عرفنا، ونقول نقدر ولا مانقدرش، عشان نبقى عارفين وقادرين، مهم أوى نكون واعيين بمشاكلنا، ثم عارفين إننا نتغلب عليها وننجح".

كما قدم الرئيس واجب  العزاء لأسر شهداء العريش، موضحًا "هما أبدا لم يُفقدوا، هما واقفين كويس أوى عشان بلدهم، هما بيقدموا بلدهم ودمهم عشان حياتنا، التحية والاحترام والتقدير ليهم، وربنا يجمعنا بيهم في الجنة إن شاء الله".

 

اقرأ أيضاً:

  • تعليقات فيسبوك
  • اعلان