رئيس التحرير: عادل صبري 10:58 مساءً | السبت 15 ديسمبر 2018 م | 06 ربيع الثاني 1440 هـ | الـقـاهـره 22° غائم جزئياً غائم جزئياً

مواطن يعرض بناته للبيع.. ونشطاء: بكرة الحكومة تبيَّعكم عيالكم

مواطن يعرض بناته للبيع.. ونشطاء: بكرة الحكومة تبيَّعكم عيالكم

سوشيال ميديا

شخص يعرض بناته الثلاثة للبيع

مواطن يعرض بناته للبيع.. ونشطاء: بكرة الحكومة تبيَّعكم عيالكم

محمد السوداني 13 أغسطس 2014 12:34

أثارت صورة تم التقاطها لأب يبيع فتياته الثلات أمام مجلس الوزراء جدلاً كبيرًا على مواقع التواصل الاجتماعي، فبين التعاطف واللوم والغضب، تداول النشطاء الصورة.

رفع الرجل، مع بناته الثلاث، ثلاث لافتات، الأولى حملت عبارة "بنات للبيع بجد"، والثانية "أين أولي الأمر، أما الثالثة فكانت "ظلمت فاتظلمت فزاد ظلمي".

تفاعل "George Saleh" مع الواقعة قائلاً: "الرجل بيعبر تعبير مجازي وعايز يقول أنا معنديش مصدر للقمة العيش صح هو تعبيره خطأ ولكن هي دي الطريقة الملفتة لموضوعه، وإنسان اتقطع عيشه ومعندوش مصدر للدخل وعايز ياكل أطفاله مش المفروض بدل الملامة نقول لإخوانا المسؤولين وهمَّ أكيد هيتضامنوا معاه ويشفوله مكان في السوق اللي بتعمله الحكومه ولا إيه رأيكم".

وتابعت "Shimaa Khoder": "لا حول ولا قوة إلا بالله رحمتك بعبادك يا رب دي حركة إنسان يائس رضينا بالهم والهم مش راضي بينا".

فيما قال "محمد فتحي": "لا كهربا بتيجي .. ولا مية .. والمواصلات غالية... والناس ساكتة ومحدش بيفتح بؤه ولا بيتكلم... بكرة الحكومة تبيعكم عيالكم".

وأضاف "Wael Badr": "الناس اللي نازلة تشتم في الراجل هيعمل إيه يعني يروح يسرق وتقولوا عليه حرامي والا يخلي أولاده تشحت في إشارات المرور الرحمة شوية بدل ما نشوف المشكلة إيه ونعالجها بحل تمام لكن واضح إن الاحترام والنخوة والرجولة بقت عملة صعبة ربنا معاه ويصلح حالة وحالنا يارب".
وطالب البعض رئيس الوزراء بحل مشكلة الرجل، فقال "زيزينيا اسكندريه": "من فصلك يا سيادة رئيس الوزراء المحترم ابعتوا للرجل ده شوفوا مشكلته إيه وحلوها ده عنده ولاد وده دور الدولة في حل مشاكل الناس".

فيما هاجم آخرون صاحب الواقعة، فقال "انا المسؤول": "عيب عليك .. انت واقف بحيلك وبصحتك .. بدل وقفتك دي تروح تشتغل أي حاجة إن شاالله شيال ولا عامل نظافة.. بدل ما تبيع بناتك يا قليل الأصل.. ناس فقرا أكتر منك وحالهم أصعب بكتير ما عملوش اللي انت عملته".

وطالب البعض بمعاقبته فقال "Gogo Elharairy": " ده لازم يتحاكم بسبب اللى عامله في بناته ده.. ما تبطلوا حركات قرعة بقا. هو أنت يا إما تفرش وتسد الشارع على الناس يا إما تعمل الفيلم الهندى ده؟ روح يا خويا المبنى الجديد اللي معمول للباعة الجائلين اللي كلكوا متنمردين عليه واستحليتوا النطاعة".

فيما ذكرت "Shimo Sh" حالة مأساوية أخرى قائلة: "على فكرة في فكوبرى القبة جمب اﻻتحاد اﻻشتراكي راجل معاه صندوق لتلميع الأحذية ودي حاجة مش غريبة بس الغريب إن الراجل ده عنده إيد مبتورة والتانية عاجزة.. ولو حد ساكن فشارع ترعة الجبل هيعرف إن في واحد بيبيع طماطم بس الغريب بردوا إنه اخرس.. عيب تبقى بصحتك وعارض بناتك للبيع".

يذكر أنَّ خالد فوزي البالغ من العمر 45 عامًا الذي عرض بناته الثلاثة للبيع أمام رئاسة الوزراء، أقدم على هذا العمل بعد أن قام بإرسال عشرات الشكاوى إلى مجلس الوزراء منذ حكومة الدكتور هشام قنديل حتى الآن، على حد قوله.

اقرأ أيضًا:

محلب: توسعة دائرة المستفيدين من التأمين الصحي لـ3.5 مليون

  • تعليقات فيسبوك
  • اعلان