رئيس التحرير: عادل صبري 01:08 صباحاً | الثلاثاء 25 سبتمبر 2018 م | 14 محرم 1440 هـ | الـقـاهـره 34° صافية صافية

ساخرون من أسعار الرحاب: في متناول تجار المخدرات

ساخرون من أسعار الرحاب: في متناول تجار المخدرات

سوشيال ميديا

مدينة الرحاب- ارشيف

ساخرون من أسعار الرحاب: في متناول تجار المخدرات

محمد درويش 05 أغسطس 2014 10:48

طرحت وزارة الإسكان أسعار الوحدات فى مدينة الرحاب، والتى تقدر بنحو 624 وحدة سكنية بمساحات تتراوح ما بين 58 مترًا وحتى 162 مترًا مربعًا؛ حيث تبدأ أسعار الوحدات من 388 ألف جنيه للوحدات ذات مساحة 58 مترًا، وتنتهي بمليون و117 ألف جنيه للوحدات 162 مترا.


وسخر رواد مواقع التواصل الاجتماعى مما وصفوه بـ "الارتفاع الباهظ" لأسعار وحدات مدينة الرحاب، حيث قال "Mahmoud Abdl Hameed ElshaFay": "هو ده فلوس وانا ال بحسبها ارقام تلفونات".


 

وسخر "Eslam Elpatoty": "ورحاب موافقة على الاسعار دي؟...بس أهم حاجة تكون الحمامات روكا".


 

وتهكم "Eng-Ahmed Elsaid Mohamed": "رخيصة جدا في متناول أي شاب بادئ حياته !!ربنا ينتقم منكم".


 

وسار على نفس النهج الساخر "Haitham Said Helal": "يعنى نتفرج على الإعلان وبس وشكرا للإعلان".


 

وعلى نفس المنوال  "Wael Mohamed": "أسعار في متناول أي تاجر مخدرات بسيط".


 

فيما قال "محمد لطفى": "احجزلى وحدتين لو سمحت واحده بالسكر وواحده من غير سكر".


 

وذكر "Mohamed Hellawy": "اسعارنا في متناول الجميع تبدأ بـ2 مليون جنيه بس".


 

وعلق "Mohamed Mido": "هي الارقام دي حقيقية !!!!! و المفروض دي للشباب  ، طب يا ترى عاملين الحمامات روكا".


 

وعلى جانب آخر استنكر البعض ارتفاع الباهظ لأسعار وحدات مدينة الرحاب، حيث قال "Mahmoud Farag": "حسبنا الله ونعم الوكيل البلد الوحيدة في الدنيا اللي متوسط مرتباتها ٣٠٠ جنيه وفيها الشقق ٦٠٠،٠٠٠".


 

وكتب "Wewe Sh": "ده اسكان شباب طبعا و في متناول الجميع شقه 90 متر يعني عريس و عروسه في بداية حياتهم و ب 676000 بس يا بلاااااااااااااااااااش".


 

وأضاف "Mohammed Sabri": "يا بلد وسخه انا بقالي عشر سنين في الكويت علي امل اجيب شقه ولحد دلولقتي مش عارف اجيب اوضه علي كده حتي المدفن مش هعرف اجيبه ربنا ينتقم منكم".


 

فيما قال "Khaled Sayed": "طب لما هي حصة الدولة في الأرض اللي ادتها ببلاش ..ليه الدوله مبعتش الأرض للمستثمرين وخدت الفلوس دي منهم وعملت شقق لأصحاب الدخل المعدوم...يا ناس حارام عليكوا بلاش نبرر ".


 

 

يذكر أنه يبدأ الحجز بالنسبة للراغبين فى سداد قيمة الوحدة نقداً فى الفترة من 5 أغسطس الجاري، وحتى 21 أغسطس وبالنسبة للراغبين فى السداد بنظام التمويل العقاري سيتم فتح باب الحجز فى الفترة من 7 سبتمبر المقبل وحتى 18 سبتمبر.



 

اقرأ أيضاً:

  • تعليقات فيسبوك
  • اعلان