رئيس التحرير: عادل صبري 04:12 مساءً | الأحد 18 نوفمبر 2018 م | 09 ربيع الأول 1440 هـ | الـقـاهـره 26° صافية صافية

"هتجوز عشان" يتصدر هاشتاجات تويتر

"هتجوز عشان" يتصدر هاشتاجات تويتر

جهاد الأنصاري 16 يوليو 2014 16:59

تصدر هاشتاج "هتجوز عشان" المركز الأول في تداولات موقع التغريدات القصيرة "تويتر"، اليوم الأربعاء.

 

المعلقون تداولوا الهاشتاج لأكثر من سبب ، منها الدعابة والسخرية من فكرة الزواج  ذاتها، ومن فكرة الهاشتاج ذاته، وهناك من تداوله لمناقشة مشاكل الحياة الزوجية، بينما تفاعل معه آخرون للحديث عن عقبات الزواج التي تواجه الشباب والفتيات.

 

وقالت "أماني برهان" معلقة على الهاشتاج: "هتجوزعشان . عندي كرامه فائضة وزيادة جداً فقلت أبعتر شويه منها".

 

ورفض "احمد عادل" فكرة الزواج في ظل الظروف الحالية قائلا:" #هتجوز_عشان اتجوز ؟ في البلد دي ؟ و اجيب عيال في البلد دي ؟ لا يفتح الله".

 

وأضافت "راجية عبد الله": "هتجوز عشان ازود عدد بؤساء جمهورية مصر العربية واحد او اتنين او تلاتة .على حسب العدد اللى هيتم تفريخه".

 

وقال "محمد عبد المنعم": "هتجوز عشان يكون معايا حد يشاركني كل حاجة في الحياة وعالحلوة والمرة".

 

وسخرت "نورهان حسن" من الهاشتاج قائلة: "هتجوزعشان يدييني سجارة أديله سجارة .. يولع لي بالولاعة أطفيها أقول هف".

 

وأضاف "فادي أحمد": "هتجوز عشان هاشتاج كله تحوير و هتتجوزو جواز صالونات و هتكره مراتك لو بتحبها و هتكرهها اكتر لو مش بتحبها ، و هتجيب عيال  تكرههم كمان".

 

وفي المقابل، هاجمت "غادة غبريال" الهاشتاج قائلة: "لما تلاقي  هتجوزعشان تريندج اكتر من ثانويةعامة اعرف ان ده شعب كل همه التكاثر بس و مش مهم هيستخدم العلم ازاي قولتولي احنا حارقين دمنا ليه؟".

 

كما انتقدت "رغدة عمارة" مستخدمي الهاشتاج من الشباب قائلة: "الهاتشتاج ده اثبت ان الولاد بيتعاملو مع البنات علي انهم خدامين بعد الجواز".

 

وأضاف "مسعد محمود": "هتجوزعشان  أخلف عيل وأربيه زي ما أنا عايزلواتظلم يجيب حقه ميخفش م الظالم وامشي فجنازته بعد المدرعة ماتدوس عليه والتقرير هبوط حاد ادي لموت".

  • تعليقات فيسبوك
  • اعلان