رئيس التحرير: عادل صبري 10:03 صباحاً | السبت 21 أبريل 2018 م | 05 شعبان 1439 هـ | الـقـاهـره 37° غائم جزئياً غائم جزئياً

بعد الجاكيت.. «كوفية» بـ 13 ألف جنيه تثير سخرية رواد «فيسبوك»

بعد الجاكيت.. «كوفية» بـ 13 ألف جنيه تثير سخرية رواد «فيسبوك»

سوشيال ميديا

كوفية بـ 13 ألف جنيه

بعد الجاكيت.. «كوفية» بـ 13 ألف جنيه تثير سخرية رواد «فيسبوك»

محمد الوكيل 20 فبراير 2018 13:54

انتشرت على وسائل التواصل الاجتماعي مؤخرًا، العديد من السلع التي تعرضها المتاجر، بأسعار مُبالغ فيها، مما يثير السخرية والاندهاش من قبل رواد السوشيال ميديا.

 

وعرضت صفحة "Dollaby Egypt"، لبيع الملابس على موقع التواصل الاجتماعي "فيس بوك"، صورة لكوفية، بمبلغ 12.999 ألف جنيه، موضحة أن هذا السعر بعد الخصم.

 

وشرحت الصفحة مميزات "الكوفية" وسبب سعرها قائلة: "ده لأنها مش عادية بمجرد لما تحطها على رقبتك بتديك Balance مش طبيعي وتقدر تلعب أي لعبة حتى لو عمرك ما جربتها قبل كده".

 

وأضافت: "وفي وقت المطرة بتقوم بوظيفة الشمسية بالظبط وبتبعد عنك أي مية".

 

وواصلت: "ممكن تلبسها كمان في الصيف الألياف اللي مصنوعة منها بتديك إحساس بالتكييف المركزي، الحق قبل ما العرض يخلص "متاح منها 3 فقط".

وتفاعل عدد كبير من رواد "فيس بوك" مع المنشور، وأكد بعضهم أن سعر "الكوفية" مبالغ فيه جدًا، فيما سخر آخرون من سرد الصفحة لمميزاتها.

ويذكر أنه منذ أيام قليلة، عرضت صفحة "هدومي"، على "فيس بوك"، جاكت يبلغ سعره 23 ألف جنيه.

 

وفي محاولة من آدمن الصفحة لامتصاص غضب رواد "فيس بوك"، سرد عدد من مميزات الجاكت من وجهة نظره، فقال: "الجاكت ده ثمنه 23.700 وبعد الخصم 23.000 "متوفر لدينا 4 قطع فقط"، حضرتك هتدفع المبلغ ده وأنت مبسوط بإمكانيات الجاكت".

 

وتابع: "هتستمتع علشان الجاكت فيه عدد 62 كورة رمان بلي تعمل حركتها المنتظمة على عمل مساج طوال فترة ارتداء الجاكت، وهتفرح علشان الجاكت به أسلاك نحاس بمجرد شعورك بالغضب أو الحزن تقوم بتوجيه رمان البلي لمنطقة الوسط وبمجرد وصوله بيزغزغك".

 

وأضاف: "ملحوظة.. الجاكت مش بيحتاج بطارية لأنه مزود بخلايا طاقه شمسية، مع العلم أن الجاكت بيكون معاه ضمان ساري لمدة عام من تاريخ الشراء، وكمان بيكون فيه هدية وثيقة تأمين لمدة 5 سنوات وذلك في حالة الكاش فقط، ولنظام التقسيط - ارسل لنا صورة البطاقة ووصل نور حديث معداش عليه 3 شهور".

  • تعليقات فيسبوك
  • اعلان