رئيس التحرير: عادل صبري 01:42 صباحاً | السبت 20 أكتوبر 2018 م | 09 صفر 1440 هـ | الـقـاهـره 28° صافية صافية

زوجة هشام جعفر مستنكرة: "يتم تجديد احتجازه بعد عامين من الحبس الاحتياطي

زوجة هشام جعفر مستنكرة: يتم تجديد احتجازه بعد عامين من الحبس الاحتياطي

سوشيال ميديا

هشام جعفر

زوجة هشام جعفر مستنكرة: "يتم تجديد احتجازه بعد عامين من الحبس الاحتياطي

محمد الوكيل 18 يناير 2018 12:35

نددت منار طنطاوي، زوجة الكاتب الصحفي هشام جعفر، باستمرار حبسه احتياطيًا مرة أخرى، رغم انتهاء عامين من الحبس الاحتياطي.

 

"منار طنطاوي" قالت في تدوينة عبر حسابها على موقع التواصل الاجتماعي "فيس بوك": "هشام اتجدد له امبارح لتالت مرة بعد انتهاء سنتين الحبس الاحتياطى 45 يوم جديدة، ورافضين يعملوله العملية ورافضين يخرجوه وتهمته حب الوطن".

 

وتابعت: "قريب قوى ربنا هينتقم منك وهيجعلك عبرة على مر السنين، عمري ما تملك مني كره لأي حد لدرجة إني اتمنى له كل شىء سيء، حتى اللي بزعل منهم وبيؤذوني برضه عمري ما تمنيت لهم إلا الهداية، إلا اللي بالي بالكم بتمنى يزيدوا في جبروتهم علشان لما ربنا ياخدهم يصبح أخذ عزيز مقتدر".

 

وأضافت: "أنا لما عشت التجربة أدركت إن فيه ناس في جهات معينة كل لقمة ولادهم بياكلوها متغمسة بشقى الناس وبهدلتهم وذلهم ودمهم، والله أكل حرام في حرام داخل بيوتهم علشان مشاركين في فساد بل وبيحللوه وممكن مش بياخد بس شايف اللي بياخد وبيديله الضوء الأخضر ليتمادى".

 

وواصلت: "لما قابلت شخصية علشان وضع هشام وللأمانة مكنش يعرفني خالص وقلتله اللي بيحصل، وإن ده ظلم والله معرف يرد عليا ولما قلتله اللي بيحصل ده حرام منع من عملية وعلاج قالي التعليمات لما بتجيلي بنفذها مش بقول ده حرام ولا حلال، ده مرتبه حلال وهو بيشارك في ظلم وممكن يكون بياخد مكافأت لتنفيذه الأوامر حرفيًا ده حلال".

 

وأردفت: "البلد مليانة لعينها فساد ومش هتنظف، والسلام عليكم ورحمة الله وألقاكم في بوست عن التجديد الرابع والخامس إلخ لغاية لما يفرجها ربنا من عنده".

جدير بالذكر أن هشام جعفر محبوس احتياطيًا على ذمة القضية رقم 720 لسنة 2015 حصر أمن دولة، بعد اقتحام قوة من الأمن الوطني مقر عمله بمؤسسة «مدى» الإعلامية في 21 أكتوبر 2015، والقبض عليه، واتهامه بالانضمام لجماعة محظورة، وتلقي رشوة مالية من جهات أجنبية مقابل تقديم معلومات اعتبرتها أجهزة الأمن «تمس الأمن القومي»، على خلفية إجراء مؤسسة مدى مشاريع بحثية - تمت بالتعاون مع جهات رسمية - في مجالات مختلفة منها الحوار الوطني، التسامح، فض المنازعات، الأسرة والمرأة والطفل، ونشر نتائجها على الموقع الخاص بالمنظمة.

  • تعليقات فيسبوك
  • اعلان