رئيس التحرير: عادل صبري 10:30 صباحاً | الأربعاء 21 نوفمبر 2018 م | 12 ربيع الأول 1440 هـ | الـقـاهـره 28° صافية صافية

بالفيديو.. أسرة مصرية تطارد «ملثما» لإنقاذ شاب سوري من الخطف

بالفيديو.. أسرة مصرية تطارد «ملثما» لإنقاذ شاب سوري من الخطف

سوشيال ميديا

لقطة من الفيديو

بالفيديو.. أسرة مصرية تطارد «ملثما» لإنقاذ شاب سوري من الخطف

محمد الوكيل 23 أكتوبر 2017 17:45

نشرت مدونة تدعى "يارا علاء الدين"، مقطع فيديو يوضح إنقاذ المارة لشاب سوري مخطوف، داخل سيارة يقودها أحد الملثمين.

 

ذكرت "يارا" تعليقًا على الفيديو الذي نشرته عبر حسابها على موقع التواصل الاجتماعي "فيس بوك": "مكنتش اتخيل إن ممكن اتحط فى الموقف ده، كنت أنا وابنى وأمي وأبويا وأختي في العربية، في شارع حسنين هيكل عند العطار الهندي، لاحظت عربية سايقها واحد ملثم وحد عمال يرفس في العربية على الكنبة".

 

وتابعت: "بلمح البصر والدي ابتدا يجرى ورا العربية وابتديت أصوت عشان الفت نظر الناس تساعد إننا نمسك الناس دول، شباب ابتدت تجري وراهم، وواحد بموتوسيكل حاول يلحقهم بس داسوا عليه الحمد الله ربنا قدرنا إننا نمسك الناس دول ورا السلاب".

 

وواصلت: "الولد المخطوف كان شاب سوري بس أنا كنت فاكرة إنه بنت وبغض النظر عن الإصابات اللي حصلتلي أنا ووالدتى والعربية، لأن قعدنا نخبط جامد في العربية، فضلنا واقفين لحد ما البوليس جه وقولنا أقوالنا، واتطمنا على الولد وبمساعدة ناس وشباب كتير أوي جريوا ورا الملثمين ومسكوهم وأخدوا علقة محترمة، اللي عايزة إقولوا إن اللي بيتخطف مش بس بنات لا ده كمان شباب خدو بالكم من نفسكم متأمنوش لحد على أد ما في أكيد ناس كتير أوي كويسة، مع الأسف اللي مش كويسين كتير برده ربنا يحفظ الجميع".

 

واختتمت: "تعديل.. أولاً بشكركم على الدعوات الحلوة ده ولو مكناش لحقناه مكنش هيجيلي نوم طول حياتي ولولا والدي مكناش مسكناهم، الشاب السوري تقريبًا في آخر العشرينات هما كانوا خطفينه بالعربية، وهو كان مضروب جامد ومتخدر مقدرش ساعتها يحكي اللي حصل وكان معاهم شنطة فيها حبل ومخدر".

شاهد الفيديو.. 

وتفاعل عدد كبير من رواد مواقع التواصل الاجتماعي مع الفيديو، مشيدين بما قامت به أسرة يارا، وما ترتب عليه من إنقاذ الشاب السوري.

  • تعليقات فيسبوك
  • اعلان