رئيس التحرير: عادل صبري 04:44 مساءً | الأحد 18 نوفمبر 2018 م | 09 ربيع الأول 1440 هـ | الـقـاهـره 26° صافية صافية

أب يناشد وزارة الداخلية: "أبوس إيديكم ارحموا ابني وخرجوه"

أب يناشد وزارة الداخلية: أبوس إيديكم ارحموا ابني وخرجوه

سوشيال ميديا

الشاب محمد الحسيني

أب يناشد وزارة الداخلية: "أبوس إيديكم ارحموا ابني وخرجوه"

مصطفى محمود 21 سبتمبر 2017 17:35

ناشد والد سجين يُدعى محمد الحسيني، الأجهزة الأمنية في مصر، بإخلاء سبيل نجله، في رسالة مؤثرة لاقت انتشارًا واسعًا على مواقع التواصل الاجتماعي.

 

"الحسيني حسن"، والد محمد، قال عبر حسابها على موقع التواصل الاجتماعي "فيس بوك": "أنا أبو محمد الحسينى حسن وبترجى مسؤلين أمن الدوله وبترجى وزير الداخلية وبترجى مكتب النائب العام ورئاسة الجمهورية وبترجى السيد وزير العدل وبترجى أي حد وابوس إيده ورجله إنكم ترحموا ابنى ضنايا وترحموا أمه واخواته وإذا كان غلط ده لسه عيل عنده ٢١ في ربيع عمره".

 

وتابع: "وأنا أوعدكم إن مخليهوش يعمل أي غلطة طول عمره وهسفره خارج مصر، ومحدش هيشوفه تاني بس ارحمونى أنا مليش غيره هوه وأخوه وطلع عين أمي علشان مخلهومش محتاجين حاجة ويشهد عليه ربنا إني شغال بما يرضي ربنا في الحكومه وشغال بعد مواعيد الحكومي في قهوة ومصدقتهم كبروا وانتم جايين تاخدوه بعد ماكبر وبقى شاب زى الفل وبتشرف بيه في أي مكان".

 

وأضاف: "حرام عليكم لو في حاجة عملها غلط حاسبوني أنا عليها لأني اعتبر ما أحسنتش تربيته، وأنا مستعد عرفوني هو فين وأنا هاجي أقدم نفسي بدل منه وسيبوه هو، والله يكون في عونهم على المعيشه الصعبة اللي احنا داخلين عليها والله يكون في عونهم فى تجهيز ٤اخوات بنات في رقابتهم".

 

وواصل: "لو أنا ربنا افتكرني وجوازه هو واخوه ومراعية أمه المريضة اللي موجوده داخل المستشفى من ساعه سماع الخبر على ابنها، وارحموه لشبابه واقسملكم بالله عز وجل مش هخلي ولا ليه دعوة ولا بصحافه ولا تليفزيون تاني ولا حتى هخليه يتفرج على تليفزيون".

 

واختتم: "وحتى الموبايل اللي ممكن يفتح منه نت مش هخليه يشيله تاني، هجبله عده ١١٠٠، وارحمونا من العذاب اللي شايفينه بقالنا خمس أيام أبوس إيديكم، اتراجاكم وحيات ولادكم ارحموا محمد، ورجعهولي وهمضي إقرار على نفسى لو صدر منه أي غلطة اتحبس مكانه أبوس إيديكم والنبى وغلاوة ربنا عندكم ترحمونا من العذاب".

  • تعليقات فيسبوك
  • اعلان