رئيس التحرير: عادل صبري 01:27 مساءً | السبت 17 نوفمبر 2018 م | 08 ربيع الأول 1440 هـ | الـقـاهـره 26° صافية صافية

بالصور| "Aerodium Egypt".. لعبة جديدة تمكنك من الطيران بدون باراشوت

بالصور| Aerodium Egypt.. لعبة جديدة تمكنك من الطيران بدون باراشوت

سوشيال ميديا

لعبة "Aerodium Egypt"

بالصور| "Aerodium Egypt".. لعبة جديدة تمكنك من الطيران بدون باراشوت

مصطفى محمود 08 سبتمبر 2017 17:53

نشرت صفحة "أفضل أماكن الفسحة والخروج في مصر"، على موقع التواصل الاجتماعي "فيس بوك"، تفاصيل لعبة جديدة تسمى "Aerodium Egypt"، تمكن الإنسان من الطيران بدون باراشوت.

 

وجاء في منشور عبر الصفحة: "مين قال إنك علشان تطير لازم تركب طيارة وتنزل منها بالبارشوت وتقعد فى تدريب بالأسابيع، دلوقتي ممكن تعملها وبسهولة بعد 1/3 ساعة تعليمات بس وتطلع تطير في الهوا علطول وتحقق حلم عباس بن فرناس".

 

وتابعت: "دا توكيل عالمي، والتوكيل دة بالأخص موجود في 27 دولة فقط ومنهم مصر طبعًا (الفيديو اللي موجود أساسا هيحسسك بالسعادة)، كنا واقفين في كايرو فيستفال عند النافورة ولقينا بني آدم طاير في الهوا (أه طاير في الهوا) فطبعًا الكلام ده شد كل الناس اللي واقفه ودخلنا قررنا إننا نخوض التجربة ونحكيهالكم (بس لازم تجربها ولو مرة لأن متعتها لا تضاهيها متعة)".

 

وأضافت: "أول حاجة بعد ما تشد الهمة وتقرر التجربة بتدخل تاخد تعليمات من المدرب حوالي ربع ساعة، تعليمات مهمة جدًا ركز فيها أوي لأن دي اللي هتديك المتعة كلها لو طبقتها بالحرف، بعد كدا بتاخد البدلة بتاعت الطيران اللي على مقاسك والخوذة والنظارات وسدادات الأذن، كل الكلام دا لأنك بتتعرض لسرعة هواء بتوصل لـ 223 كيلو في الساعة، بس كدة خلاص انت جاهز للتجربة".

 

وواصلت: "تطلع فوق بقى وتعيش معاك المدرب جنبك بيوجهك للبداية اللي بعد 10 ثواني بالظبط بتبقى متمكن وهو بيقف جنبك بس للمساعدة، الدقيقة هتمر عليك زمن لأنك فعلاً هتحس إنك نازل من طيارة من اندفاع الهواء القوي جدًا، بجد تجربة رائعة ولازم الواحد يجربها، والسعادة اللي هتشوفها في وش الأطفال بعد ما يخلصوا لا توصف".

 

واختتمت: "السن المسموح بدءًا من 4 سنوات والوزن المسموح حتى 135 كيلو، والأسعار بتبدأ من 330 جنيه، وفى كذا باكيدج تانية بس احنا جربنا دي وعندكم التليفونات والأسعار مع الصور ممكن تسألوهم عن أي حاجة قبل ما تروحوا".

  • تعليقات فيسبوك
  • اعلان