رئيس التحرير: عادل صبري 07:25 مساءً | الأربعاء 14 نوفمبر 2018 م | 05 ربيع الأول 1440 هـ | الـقـاهـره 26° صافية صافية

"عندكم بيض في الصيدلية".. مواقف طريفة يرويها أطباء على فيس بوك

عندكم بيض في الصيدلية.. مواقف طريفة يرويها أطباء على فيس بوك

سوشيال ميديا

أرشيفية

"عندكم بيض في الصيدلية".. مواقف طريفة يرويها أطباء على فيس بوك

مصطفى محمود 31 يوليو 2017 23:01

طرحت صفحة "الكومنت الفصيل"، على موقع التواصل الاجتماعي "فيس بوك"، تساؤلًا على متابعيها حول أبرز وأطرف المواقف التي واجهت الأطباء والصيادلة خلال مزاولة المهنة.

 

جمهور الصفحة من الأطباء والصيادلة انهال بالتعليقات على المنشور، وذكر عدد كبير منهم أبرز المواقف الطريفة والغريبة التي حدثت معهم.

 

"محمود أشرف" حكى هذا الموقف: "ست كبيرة جاتلي الصيدلية، وقالتلي عايزة بـ 10 جنبيه بيض، فهمتها إن دي صيدلية، لكنها سمعها تقيل ومفهمتش إزاي محل كبير مفيهوش بيض، قلت اريح دماغي ورحت اشتريتلها من سوبر ماركت جمبي، بدل ما تقولي شكرًا قالتلي ما تكمل بضاعتك بدل الصياعة دي".

وروى "أحمد سمير" هذا الموقف: "أنا كنت شغال في صيدلية وطفل جالي عينه وجعاه، فسأل على قطرة معينة فقولتله بـ 12 حنيه، فمشي ورجع بعد شوية وقالي يا عمو أمي بتقولك ممكن تحطلي نقطتين بجنيه".

وسرد "طاهر أحمد"، أحد المواقف الطريفة التي حدثت معه، فقال: "جالي مريض عصبي جدًا لأول ما دخل قالي ضرسي يا دكتور هيموتني عايز اخلعه بس بسرعة، ولا اقولك احشيه ولا اقولك اخلعه، ولا انت شايف ايه، ولا اقولك متعملش حاجة سلام عليكو".

وذكرت مدونة أخرى: "واحد داخلي الصيدلية وقالي عايز ترمادول لحالة مريضة سرطان، قلتله هات الروشتا بتاعته وأنا اصرفهولك، قالي أنا الحالة، قلتله فين ورقك، قالي طب بصي هاتي ابتريل أو وعايز بيرا طبية، قولتله دي صيدليه مش محل ستلا".

وتطرق "سامي" إلى جلسات العلاج الطبيعي، فقال: "أنا دكتورة علاج طبيعي جالنا عيان عنده 70سنة بيشتكي من ضهره وكان راجل دمه خفيف، بيقولنا أنا جتلكوا عشان صحبي شكرلي فيكو وخف، المهم عملناله الجلسة وكانت إنه هيقعد ضهره لجهاز اسمه الـ shortwave، المهم بعد ماخلص بنقوله ألف سلامة ياحج قالنا أنا كدة خلصت، قلناله أه، قالنا بس أنا صحبي قالي إنه قلع هدومه أنا مقلعتش".

وعن أبرز المواقف الطريفة في بنك الدم قال "أبو بتول": "أنا شغال في بنك الدم يدخلي شباب تعمل فصيلة الدم علشان ورق التجنيد وكده، وأنا بعملها يقولي بينه وبينى بصوت واطي هوه التحليل ده بيظهر فيه المخدرات، وأنا طبعًا انت بتحشش يا معلم بعلو صوتي، الواد يتخض وعلى الجهة المقابلة شباب تانية بعد ماتعرف الفصيلة تقولي دي كويسة ولا وحشه يقصد بيها يعنى هعيش ولا هموت".

"دينا جبريل" تحدثت عن أطرف المواقف التي حدثت معها، فقالت: " داخلي واحد النهاردة بيقولي عايز كالسون قولتله نعم قالي كالسون، قالولي كدة في المستشفى يمين شمال فهمت بعدها إنه عايز كالسيمات، وقولت اديله بالمرة كالسيترون، بنفك شفرات أقسم بالله".

وتطرق "ثروت خالد" إلى سحب عينات الدم، قائلاً: "لسة النهاردة جاي اسحب من طفلة صغيرة، أمها صوتت وقالتلي انت اديتها سرنجة هوا،، يادي النيلة دا أنا لسة في البداية".

وذكر "رامي سراج" على لسان أحد المرضى: "هات علبة الدوا اللي جبتها منك من 6 شهور اللي حبايتها خضرا والعلبة بتاعتها طويلة ومقسومة 4 رباع".

  • تعليقات فيسبوك
  • اعلان