رئيس التحرير: عادل صبري 05:18 صباحاً | السبت 22 سبتمبر 2018 م | 11 محرم 1440 هـ | الـقـاهـره 34° صافية صافية

ساخرون يروون أبرز المواقف الطريفة والكوميدية مع الأطفال

ساخرون يروون أبرز المواقف الطريفة والكوميدية مع الأطفال

سوشيال ميديا

شقاوة الأطفال

ساخرون يروون أبرز المواقف الطريفة والكوميدية مع الأطفال

مصطفى محمود 29 يوليو 2017 20:30

طرحت إحدى الصفحات الساخرة على موقع التواصل الاجتماعي "فيس بوك" تساؤلاً على متابعيها حول أبرز مواقفهم مع الأطفال.

 

جمهور الصفحة انهال بالتعليقات على منشور الصفحة، وذكر عدد كبير منهم أبرز المواقف الطريفة والكوميدية التي جمعتهم بالأطفال.

 

"حازم السيد" حكى هذا الموقف: "النهاردة قاعد في المستشقى عشان والدي في العنايةـ وقاعد في الاستراحة وعيل صغير جه قعد جنبي ولاقيته باصص على كرشي، قولتله عاجبك كرشي قالي اه كرشك حلو أوي ياعمو، قلتله نفسك يطلعك زيه قالي أه، قولتله خده وربنا ماهو راجع وبكرة تندم لما تكبر وتقول يارتني ماقولت أه، يارتني ماقولت أه".

وذكرت "ريهام" أحد المواقف الطريفة مع ابن شقيقها، قائلة: "ابن اخويا النهاردة لحد الساعه واحدة بالليل مش راضي يطلع وماسك فون بابا وقاعد يتفرج ع النت على توم وجيري، بابا قام شال فيشة الراوتر عشان يطلع شقتهمم، قاله خدت النت كله، طب مش طالع ونام مكان بابا".

وروت "رودي أحمد"، أحد المواقف مع ابنها، قائلة: "ابني كان عايز مسدس فجبتله واحد فرح بيه يومين فزهق منه عايز واحد غيره، فجالي هو بيعيط ماما المسدس دا بايظ، ماله يا حبيبي قالي بيقع ع الأرض، راح حدفه بصي بيقع إزاي هاتيلي واحد مش بيقع، بصراحة أقنعني".

أما "طارق سيف"، فعلق: "كنت جاي من برة ولما دخلت البيت أخويا الصغير شغال يقول طارق الهلس جه، طارق الهلس جه، ومش واخد بالي ببص لقيته سكت مرة واحدة وجري على أمي".

وعلقت مدونة أخرى: "الأطفال مش بقوا أطفال، دول رجالة كبيرة متنكرة، أه زي ما بقولك كدة".

وتطرقت "سومة جمال" إلى الحديث عن شقيقتها، قائلة: "العيال بتوع الزينة كل ما ييجوا يخبطوا على أختي تقولهم حضرتك أنا ضيفة هنا، وتمشيهم".

وسردت "سارة حسن" أبرز المواقف مع شقيقها، قائلة: "أخويا الصغير بردو بيفضل يكلم نفسه كل شويه ولما اسأله بتكلم مين يقولي ده صحبي".

"لميس يحيى" تحدثت عن ابنة شقيقتها، قائلة: "بنت اختي اللي عندها 4 سنين دخلت أوضتي، وعمال ترغي فتحتلها الباب يلا يا هنا ع مامتك، بصتلي بكل براءة وقالتلي مامي ماتت بقولها لا مش نايمة قولت سمعت غلط قالتلي دى ماتت أنا سكت".

وتحدثت "سمر فؤاد" عن شقيقتها، قائلة: "أختي وهي 3 سنين كانت بتحب تنام جنبها كل عرايسها اللعبة يناموا ويتغطوا معاها، ماما نامت جنبها قامت صحيت مفزوعة من كابوس مرعب وشياطين في الحلم، راحت رامية العرايس اللي على السرير على طول، وإيدها على الأرض ارتاحت نفسيًا، وكملت نوم محلمتش بكوابيس وحلفت ما تسمح بالعرايس اللعب على السرير تاني".

  • تعليقات فيسبوك
  • اعلان