رئيس التحرير: عادل صبري 02:30 صباحاً | الأحد 23 سبتمبر 2018 م | 12 محرم 1440 هـ | الـقـاهـره 34° صافية صافية

أول تعليق من موقع «السين» بعد أزمة فيديو «كحك الجيش»

أول تعليق من موقع «السين» بعد أزمة فيديو «كحك الجيش»

سوشيال ميديا

أرشيفية

أول تعليق من موقع «السين» بعد أزمة فيديو «كحك الجيش»

صبري الخولي 26 يونيو 2017 17:51

كشفت مجلة «السين» حقيقة فيديو كعك العيد الذي انتشر عبر مواقع التواصل الاجتماعي، لاسيما بعد تناولها  كعك القوات المسلحة،  الأمر الذي أثار غضب البعض.

 

وقالت المجلة عبر حسابه بموقع «فيس بوك» : «مساء الخير..من يوم ما بدأنا وإحنا بنهزر فاحنا لسه مش مستوعبين ليه الدنيا مقلوبة علينا.. السين كانت وما زالت مجلة اجتماعية وترفيهية، ومالناش في أي خناقات مع أي حد ولا هيكون لينا، هدفنا الأول والأخير هو إننا نعمل حاجة تبسطنا وتبسط الناس.. وفي النص بنعمل شوية مواضيع عن الصناعات المصرية والمشاريع الجديدة والأعمال الخيرية وناس طيبين أوي يا خال».

 

وأضافت: «من يومين عملنا فيديو أكل جديد، ولو كنت ماتعرفش إيه فيديوهات الأكل دي، فهي عبارة عن Review بنعمله لأكلة معينة وكل فيديو بيبقى أكلة جديدة، و بما إننا في العيد فكان لازم يبقى الفيديو كحك..عملنا اللي بنعمله دايمًا».

 

وأوضحت: «و الحقيقة ان كحك «تيباروز» كان من أحسن انواع الكحك -بس مش الأول- بشهادة اللي داقوا، فقولنا الموضوع بس بشكل كوميدي علشان مايتقالش علينا بنعمل إعلان».

 

وأردفت: «اتفاجئنا بالتعليقات والشتيمة والهجوم وخصوصًا إننا مش متعودين على كدة..ولاقينا اسمنا بيتحط جنبه كلمات زي الخيانة والعمالة والسخرية من مؤسسات الدولة وبتاع واحنا هلاسين يا جماعة وبنتضايق لما حد يحاول يستدرجنا لأي مود جد بصراحة، ومش تبع أي أحزاب أو جماعات، ولاقينا الناس كلها فاهمانا وفاهمة الفيديو غلط وعلشان كدة مسحناه».

 

وتابعت: «مافيش أي حد اتقبض عليه زي البعض ما بيقول، كلهم كويسيين والله وماتعرضوش لأي شيء. كل سنة و انتوا طيبين».

 

 

وأثار الفيديو موجة من السخط والغضب على مواقع التواصل الاجتماعي؛ لاستهدافها منتجات القوات المسلحة من كعك العيد، والتي تُقدَّم للمواطنين بأسعار رمزية؛ لمواجهة موجة الغلاء.

 

جدير بالذكر أن موقع المجلة تم حجبه بعد ساعات من نشر الفيديو وتداول البعض له على مواقع لتواصل.

  • تعليقات فيسبوك
  • اعلان