رئيس التحرير: عادل صبري 05:49 مساءً | الجمعة 16 نوفمبر 2018 م | 07 ربيع الأول 1440 هـ | الـقـاهـره 26° صافية صافية

على غرار قتيل «كافيه كييف».. شاب يلقى مصرعه على يد جزار في المحلة بسبب «كوب شاي»

على غرار قتيل «كافيه كييف».. شاب يلقى مصرعه على يد جزار في المحلة بسبب «كوب شاي»

سوشيال ميديا

محمد البشبيشي قتيل المحلة

على غرار قتيل «كافيه كييف».. شاب يلقى مصرعه على يد جزار في المحلة بسبب «كوب شاي»

طارق عزام 23 أبريل 2017 13:50

لقى شاب يدعى محمد ناصر البشبيشي، مصرعه على يد «جزار»، بعد خلاف بينهما على ثمن كوب من الشاي.

 

القصة ترويها صفحة «المحلة اكسترا» على موقع التواصل الاجتماعي «فيس بوك»، وجاءت على النحو التالي على لسان القائمون على الصفحة..

 

«محمد شاب والده لسه متوفي من سنه بسكتة قلبية وهو بيصرف على أمه وأخته.. فتح كافيه وسط أهله يستنفع منه هو وأخوه وأهي ماشية.. اسم الكافيه "ع القهوة" في أبوشاهين في المحلة.. اللي فاتح جمبه جزار وفتوة ومحدش بيقدر يكلمه.. الجزار ده عليه فلوس للقهوة لأنه بيشرب ومبيحاسبش.. طلب منه كوباية شاي النهاردة قاله لا انت حسابك تقل.. شدوا مع بعض في الكلام.. الجزار واللي شغالين عنده طلعوا السكاكين وقتلوه في نص الشارع.. الناس اللي كانت واقفه بتسلك كانو هيموتوهم.. محمد مات، وأخوه كمان في حالة خطرة.. الحكومة جت بعد الخناقه عشان تقبض عليهم.. خدوهم ومشيوا.. لكن سابوهم لمجرد إن التليفونات اترفعت و قالولهم سيبوه.. لو البلد ماشية كوسة يبقى احنا نسكت.. لو محدش عنده رجولة يبقى نسكت.. الراجل ده مات وساب أمه واخواته وهو الكبير على اخواته.. ساعد في إنك تجيب حق محمد بتفعيل الهاشتاج.. وصل صوتك.. وفعل هاشتاج #حق_محمد_البشبيشي».

 

 

وذكرت صفحة «المحلة اكسترا» في منشورٍ أخر، أن صلاة الجنازة على محمد البشبيشي ستقام عقب صلاة العصر بجامع الإيمان في منطقة أبو شاهين.

 

 

أعادت واقعة محمد البشبيشي للأذهان واقعة قتيل «كافيه كييف»، والتي وقعت في فبراير الماضي، حين  توجه شاب يُدعى محمود بيومي، برفقة خطيبته إلى «كافيه كييف» بمصر الجديدة؛ لمشاهدة نهائي كأس إفريقيا بين مصر والكاميرون، وعقب انتهاء المباراة أغلق عمال الكافيه المكان لأخذ الأجرة من الموجودين، فاعترض الشاب المجني عليه على سوء المعاملة، فنشبت بينه وبين عمال الكافيه مشاجرة تلقى على إثرها طعنتين في رئته وبطنه، توفي بعدها في الحال.

  • تعليقات فيسبوك
  • اعلان