رئيس التحرير: عادل صبري 01:08 مساءً | الأربعاء 14 نوفمبر 2018 م | 05 ربيع الأول 1440 هـ | الـقـاهـره 26° صافية صافية

مي كساب: «أزمة أوكا وأورتيجا قاتلاني»

مي كساب: «أزمة أوكا وأورتيجا قاتلاني»

سوشيال ميديا

مي كساب وزوجها أوكا

مي كساب: «أزمة أوكا وأورتيجا قاتلاني»

طارق عزام 22 أبريل 2017 18:03

أعربت الفنانة مي كساب عن حزنها الشديد بسبب الأزمة التي لاحقت كلا من زوجها «أوكا» وصديقه «أورتيجا»، مطربي المهرجانات، بعد اتهامهما بتزوير شهادة الخدمة العسكرية.

 

وكتبت «كساب» عبر حسابها الشخصي على موقع «إنستجرام»: «نفسي تعبانة قوي بقالها ٦سنين مصدومة ومحتارة ومش عارفه ترسى على بر مش عارفة تلاقي راحه البال ولا السعادة ولا الرضا بتدفع تمن إنها حساسة زيادة عن اللزوم بتدفع تمن التربية والأصول من يوم ما الثورة قامت وأنا مش أنا كبرت وعجزت وصغرت وعيلت وشيبت مش فاهمة حاجة تايهة توهه وحشة قوي مش عارفة ألاقيني خالص والله العظيم مش لاقية مي خالص أنا مش أنا».

 

وأوضحت «كساب»: «ابتلاءات كتير والحمد لله صدمات في البشر أكتر والحمد لله حتى الشغل حاسة فيه بكبوة كبيرة جدا استنزاف واستهلاك مش طبيعي وبرضه مش باستسلم بقوي نفسي وأقولها قومي ما تفقديش الأمل في رحمة ربنا ما تفقديش الأمل في بكرة أحلى ما تفقديش الأمل في المدينة الفاضلة ما تفقديش الأمل في إنك تلاقي مي من جديد بس للأسف النفاق والوشوش الكذابة اللي شفتها وقت الثورة صدمتني قوي موت أمي كسرني قوي تدخل الناس في حياتي وتعليقاتهم الغير مهذبة واجعني قوي استنزافي في الشغل واستهلاكي وإحساسي أني مش عارفه أقدم الفن اللي نفسي أقدمه دابحني قوي أزمة جوزي قاتلاني قوي كل حاجة حواليا قوي قوي قوي عارفة إن ده أصعب اختبار من رب العالمين ونفسي أكون قده باحاول أكون قده بس تراكمات السنين مبهدلاني قوي حاسة إن نفسي محتاجة إعادة هيكلة زي كل حاجة في بلدنا».

 

وتابعت مي: «يارب خرجنا من المحنة الكبيرة دي محمد كان بيديني طاقه أمل كان بيصبرني ودايما يقولي اللي جاي أحلى هتتولدي من جديد ربنا يرجعك انت وأحمد بالسلامة عشان بجد نفسي أتولد من جديد وأفقد الذاكرة وأنسى وجع وتعب السنين دول بس ما أنساش اللي اتعلمته منهم أنا في انتظار رحمة وعدل ربنا في انتظار نفسي في انتظار موعدي مع السعادة أوكا وأورتيجا مظلومين».

 

 

نفسي تعبانه قوي بقالها ٦سنين مصدومه ومحتاره ومش عارفه ترسي علي بر مش عارفه تلاقي راحه البال ولا السعاده ولا الرضا بتدفع تمن انها حساسه زياده عن اللزوم بتدفع تمن التربيه والاصول من يوم ما الثوره قامت وانا مش انا كبرت وعجزت وصغرت وعيلت وشيبت مش فاهمه حاجه تايهه توهه وحشه قوي مش عارفه الاقيني خالص والله العظيم مش لاقيه مي خالص انا مش انا ابتلاءات كتير والحمد لله صدمات في البشر أكتر والحمد لله حتي الشغل حاسه فيه بكبوه كبيره جدا استنزاف واستهلاك مش طبيعي وبرضه مش باستسلم باقوي نفسي واقولها قومي ما تفقديش الأمل في رحمه ربنا ما تفقديش الأمل في بكره احلي ما تفقديش الأمل في المدينه الفاضله ما تفقديش الأمل في انك تلاقي مي من جديد بس للأسف النفاق والوشوش الكذابه اللي شفتها وقت الثوره صدمتني قوي موت امي كسرني قوي تدخل الناس في حياتي وتعليقاتهم الغير مهذبه واجعني قوي استنزافي في الشغل واستهلاكي وإحساسي أني مش عارفه اقدم الفن اللي نفسي أقدمه دابحني قوي ازمه جوزي قاتلاني قوي كل حاجه حواليه قوي قوي قوي عارفه ان ده اصعب اختبار من رب العالمين ونفسي أكون أده باحاول أكون أده بس تراكمات السنين مبهدلاني قوي حاسه ان نفسي محتاجه أعاده هيكله زي كل حاجه في بلدنا يارب خرجنا من المحنه الكبيرة دي محمد كان بيديني طاقه أمل كان بيصبرني ودايما يقولي اللي جاي احلي هتتولدي من جديد ربنا يرجعك انت واحمد بالسلامه عشان بجد نفسي أتولد من جديد وافقد الذاكرة وانسي وجع وتعب السنين دول بس ما انساش اللي اتعلمته منهم انا في انتظار رحمه وعدل ربنا في انتظار نفسي في انتظار موعدي مع السعاده#اوكا_واورتيجا_مظلومين

A post shared by Maiikassabofficial (om Farida) (@maiikassabofficial) on

 

جدير بالذكر أنه تم القبض على أوكا وأورتيجا، داخل مطار القاهرة الدولي، الشهر الماضي، وذلك عقب وضع اسميهما على قوائم الممنوعين من السفر، واتهامهما بتزوير أوراق رسمية.

  • تعليقات فيسبوك
  • اعلان