رئيس التحرير: عادل صبري 02:07 مساءً | الأحد 18 نوفمبر 2018 م | 09 ربيع الأول 1440 هـ | الـقـاهـره 26° صافية صافية

زوجة هشام جعفر: "ليه البلد اللي كنت بموت في ترابها تعمل فينا كده؟"

زوجة هشام جعفر: ليه البلد اللي كنت بموت في ترابها تعمل فينا كده؟

سوشيال ميديا

هشام جعفر

زوجة هشام جعفر: "ليه البلد اللي كنت بموت في ترابها تعمل فينا كده؟"

صبري الخولي 11 أبريل 2017 19:51

أعربت منار طنطاوي، زوجة هشام جعفر، الصحفي المحبوس بسجن العقرب، عن حزنها الشديد بسبب تعنت إدارة سجن العقرب في الزيارة.

 

وكتبت "طنطاوي"، عبر صفحتها الشخصية بموقع التواصل الاجتماعي "فيس بوك": "الدنيا بقت سودة قوى و مش شايفة اى نقطة بيضاء. بطالب بعلاجه يتقفل الزيارات عن العقرب اللى كان بيدخله فيه دوا بس".

 

واضافت: "استشير دكتور يقولي لو فضل على كده احتمال يصاب بفشل كلويو مش بايدي إنه يتعالج و الله و فى نفس الوقت أخدت بكل الأسباب و عملتها و اتحاملت على نفسي فى حاجات كتير و مفيش فايدة.

 

وقالت: "استودعته عند ربنا من يوم الزيارة بس مش قادرة اسكت.. مش عارفة إيه المطلوب مننا..حبس ظلم و محبوس رعاية طبية و مفيش، مضيفة:" الأيام بتعدى و تمر و كل ما أشوف حال اللى زى ابقى هتجنن. .هشام قالنا فى زيارة اتصرفوا فى حياتكم عادى و متشغلوش بالكم بيا".

 

واردفت: "هو أنا اصلًا ليا حياة بعد ما اعتقلت أنا ماشية ببركة ربنا وواقفه على رجلي علشانك ..مش قادرة أتخيل ييجى عليا يوم و بنتى تتجوز من غير أبوها زى ما بشوف حواليا ..مش قادرة أصدق إن ييجى يوم و اروح اخطب لابنى و أقولهم معلش أصل باباه فى السجن".

 

وتابعت:"مش قادرة أصدق إن البلد اللي كنت بموت فى ترابها تعمل فينا كده، و السواد عمال بيزيد و الكل يقول ما ضاقت إلا لما فرجت".

 

وختمت طنطاوي تدوينتها: "واضح ‘نها لسه مضاقتش قوى وواضح إن اللى جاى إسود و رغم كده عندى ثقة بالله إنه أكيد هينصرلنا و اكيد مش هيخزلنا و كيد هيعوضنا حتى لو مش فى الدنيا يبقى فى الآخرة اللى يارب يعجل بيها عليا".

 

وشغل هشام جعفر منصب مدير مؤسسة مدى للدراسات الإعلامية، قبل إلقاء القبض عليه في أكتوبر من عام 2015، بتهمة الانتماء لجماعة محظورة وتلقي رشوة دولية، وما زال رهن الحبس الاحتياطي حتى الآن.

  • تعليقات فيسبوك
  • اعلان