رئيس التحرير: عادل صبري 12:44 مساءً | الأربعاء 26 سبتمبر 2018 م | 15 محرم 1440 هـ | الـقـاهـره 34° صافية صافية

على غرار واقعة "كافييه كييف".. مقتل شاب على يد عامل دليفري بـ "مية نار"

على غرار واقعة كافييه كييف.. مقتل شاب على يد عامل دليفري بـ مية نار

سوشيال ميديا

الضحية محمد سعد

على غرار واقعة "كافييه كييف".. مقتل شاب على يد عامل دليفري بـ "مية نار"

طارق عزام 26 مارس 2017 14:48

لم يمر سوى شهر على واقعة مقتل شاب على يد أحد العاملين بـ "كافييه كييف"، حتى انتشرت على موقع التواصل الاجتماعي "فيس بوك"، صباح اليوم، قصة جديدة لشاب لقى مصرعه على يد عامل "دليفري".

 

وكتبت حنان إيهاب، التي عرفت نفسها بأنها صديقة لشقيقة القتيل، عبر حسابها الشخصي على موقع "فيس بوك"، رواية مقتل الشاب محمد صلاح بعد خلاف مع عامل توصيل طلبات يعمل لصالح أحد المطاعم الشهيرة.

 

وروت حنان القصة قائلة: "انهارده كلامي إن محمد سعد شاب عنده ٢٨ سنة، محامي، أخو أنتمتي يعني أخويا الكبير.. محمد مات امبارح بليل تحت بيته لما بتاع دليفري مطعم "أبو شنب" خبط عربيته، ومسكتش ده كمان اتخانق وطول لسانه على محمد اللي معروف عنه إنه شاب مالوش في مشاكل ولا خناقات.. طيب فين المشكلة؟!! المشكلة إن الخناقه مكنتش على قد ألفاظ خارجة وصوت عالي بس، لا دي كان فيها مكالمة لـ ٥أو٦ أفراد مسجلة خطر عشان يقفوا جمب صاحبهم بالمطاوي ومية النار اللي بيها محمد خد نفسه الأخير في الدنيا ومات في وسط الناس".

 

وتابعت حنان: "الشرطه جابت ٣ منهم بس. محمد دفنوه انهارده وحقه بيروح وهو دمه لسة مبردش. إزاي؟! صاحب محل أبو شنب بيبعت دليفري مشاوي ودلع بصراحة للقسم عشان الموضوع يتحول من قتل عمد لمشاجرة. يعني إيه؟!. يعني الموضوع كله ينتهي بكلمتين حلوين في محضر صلح وعفا الله عما سلف".


وطالبت حنان بأخد حق محمد قائلة: "يا جماعة الموضوع ميتسكتش عليه الموضوع ده ممكن يحصل بكرة ليا أو ليكي أو لأخوكي أو ابنك.. اعملوا شير لكلامي وهاتو حق أخونا وابن بلدنا حافظوا على اللي جاي".

 

  • تعليقات فيسبوك
  • اعلان