رئيس التحرير: عادل صبري 08:30 مساءً | الأربعاء 12 ديسمبر 2018 م | 03 ربيع الثاني 1440 هـ | الـقـاهـره 22° غائم جزئياً غائم جزئياً

تامر أبو عرب عن تهجير المسيحيين في سيناء: أين هيبة الدولة؟

تامر أبو عرب عن تهجير المسيحيين في سيناء: أين هيبة الدولة؟

سوشيال ميديا

تامر أبو عرب

تامر أبو عرب عن تهجير المسيحيين في سيناء: أين هيبة الدولة؟

معتز عباس 25 فبراير 2017 08:54

استنكر الإعلامي تامر أبو عرب، استهداف الجماعات المسلحة للأقباط بمدينة العريش، وهروب بعض الأسر القبطية من سيناء إلى الإسماعيلية.

 

وقال في تدوينة مطولة عبر صفحته الرسمية بموقع التواصل الاجتماعي "فيس بوك": "الأخبار بتقول إن فيه ٧ أقباط لحد دلوقتي اتقتلوا على الهوية في العريش، وأقباط المدينة بدأوا ينزحوا منها فعلًا التطور في حد ذاته خطير ومرعب، لكن الأخطر والأكثر رعبًا أنهم متخطفوش من على طرق سريعة، ولا من جوة الجبال وبعدين اتقتلوا مثلا، لكنهم اتاخدوا من قلب بيوتهم اللي في قلب مدينة العريش واتقتلوا واترموا في شوارع المدينة، وواحدة من الضحايا رموها ورا قسم الشرطة".

وأضاف: "طبعا الموضوع المرة دي لافت لأنه موجه ضد الأقباط، وإيذان ببدء مرحلة قتل على الهوية، لكن الفترة الأخيرة بقى فيه تطورات خطيرة من النوع ده، زي وقوف عناصر داعش في شوارع العريش يوزعوا منشورات تحذر الأهالي من التعاون مع الشرطة والجيش، زي خطف اتنين بتهمة التعاون مع الدولة ودبحهم في ميدان جوة العريش قدام الناس اللي واقفة في البلكونات، وزي خطف شيخ عمره ١٠٠ سنة من بيته اللي برضه في قلب المدينة وإعدامه بدم بارد، وأخيرا الهجوم الضخم على كمين المطافي اللي في قلب الكتلة السكنية والتصوير جواه”.

وأشار: "عارف ده معناه إيه؟ معناه ان مفيش دولة في العريش وبالتالي ممكن نستنتج الوضع إيه في شمال سيناء، مفيش مظاهر سيادة وسيطرة كاملة على الوضع هناك، ولا فيه مصارحة للناس بإيه اللي حاصل وإيه”.

وتابع: "فين هيبة الدولة (اللي كتير من الجرائم ارتكبت باسمها) من خطف مواطنين وإعدامهم من قلب مناطق تحت سيطرتها بالسهولة دي؟، فين هيبتها وهي مش قادرة تحمي اللي بيتعاونوا معاها من الأهالي؟، وإزاي ممكن تكسب معركتها في سيناء لو تم تحييد الأهالي وكفوا عن مساعدتها إيثارا للسلامة”.


وواصل: "نقطة كمان مهمة وهي إن وجود الدواعش وشغلهم بالأريحية دي داخل المدينة، معناه إنهم حاسين بالأمان، وانتقالهم لمعركة فرعية زي تصفية الأقباط، معناه إنهم قاعدين ومرتاحين وخلصوا معاركهم الأهم مع الجيش والشرطة والمتعاونين معاهم”.


واختتم: "مسألة سيناء تحديدًا خارج إطار أي خلاف سياسي، مش عاوزين نثبت من وراها إن النظام فاشل ولو عاوزين نعمل كدة عندنا ١٠٠ مجال تاني ممكن نتخانق فيه ونثبت فشل النظام، علشان كدة احنا مش عاوزين أكتر من إننا نطمن على تلت أرضنا وولادنا اللي عليها".

 

ولاية سيناء

 

وأعلن العميد تامر محمد محمود الرفاعي، المتحدث العسكري، عبر صفحته الرسمية على موقع "فيس بوك" يوم الأربعاء الماضي، عن مداهمة القوات المسلحة للبؤر الإرهابية وملاحقة العناصر التكفيرية، ومواصلة عناصر الجيش الثالث الميداني إحكام سيطرتها الكاملة بمنطقة جبل الحلال.

 

كذلك نفت الرئاسة المصرية، الخميس الماضي، وجود أي مقترحات ومبادرات بشأن توطين فلسطينيين في سيناء، واصفة هذه الفكرة بأنها غير واقعية وغير مقبولة.

 

وقال المتحدث الرسمي باسم الرئاسة، علاء يوسف، إن "ما تم ترديده مؤخرا عبر وسائل الإعلام بشأن وجود مقترحات لتوطين الأخوة الفلسطينيين في سيناء، هو أمر لم يسبق مناقشته أو طرحه على أي مستوى، من جانب أي مسؤول عربي أو أجنبي، مع الجانب المصري".

 

وذكر موقع "بي بي سي" أمس الجمعة، أن نحو 40 أسرة مسيحية فرّت من مدينة العريش إلى الإسماعيلية، بعدما قتل مسلحون مجهولون 7 مسيحيين، يوم الأربعاء الماضي، في حوادث متفرقة استهدفتهم بشمال سيناء.

 

وقالت مصادر كنسية بالإسماعيلية لـ "بي بي سي" إن الأسر المسيحية وصلت إلى الكنيسة الإنجيلية بالمدينة على مدار اليومين الماضيين، "خوفا على حياتهم بعد استهداف أقباط داخل بيوتهم"، على حد وصف قادة الكنيسة.

  • تعليقات فيسبوك
  • اعلان