رئيس التحرير: عادل صبري 09:59 صباحاً | الأربعاء 17 أكتوبر 2018 م | 06 صفر 1440 هـ | الـقـاهـره 28° صافية صافية

أول تعليق من منى مينا بعد إخلاء سبيلها

أول تعليق من منى مينا بعد إخلاء سبيلها

سوشيال ميديا

منى مينا

أول تعليق من منى مينا بعد إخلاء سبيلها

طارق عزام 03 ديسمبر 2016 22:05

في أول تعليق لها، عقب إخلاء سبيلها من سرايا النيابة، وجهت منى مينا، وكيل نقابة الأطباء، الشكر لكل من ساندها في محنتها.

 

وكتبت "مينا" في تدوينة، عبر حسابها الشخصي على "فيسبوك": "عاوزة أشكر أصحابي وزملائي وحبايبي اللي أحاطوني بكمية دعم وحب خرافية، وكان لها تأثير كبير جدا جدا علي".

 

وتابعت: "وشكر كبير جدا للمحامين الجدعان الكتير اللي تطوعوا للدفاع عني.. اللي قدروا يدخلوا وقاموا بدور رائع.. واللي طخوا المشوار الطويل ده كله ومقدروش يدخلوا، وفضلوا واقفين منتظرين ساعات طويلة لحد ما التحقيق يخلص عشان يدعموني ويطمنوا علي".

 

مضيفة: "أما عائلتي الجميلة، وجوزي الحبيب اللي بيستحمل المواقف الصعبة الكتير اللي بدخله فيها من 36 سنة ولحد النهاردة، ولسة مستحملني لحد دلوقتي.. الحقيقة مقدرش أوفيه حقه.. شكرا زوجي الحبيب.. شكرا عائلتي الجميلة.. ربنا يخليكم ليا".

 

 

وأخلت النيابة العامة، اليوم السبت، سبيل منى مينا، بعد أن تم استدعاءها للتحقيق؛ على خلفية تصريحها أن أحد الأطباء أبلغها بورود تعليمات للمستشفيات من وزارة الصحة باستخدام السرنجات لأكثر من مرة، نظرًا لنقص المستلزمات الطبية، وهو ما أثار جدلًا كبيرًا، كما تلقت النيابة العامة عدة بلاغات عقب إدلائها بتلك التصريحات.

  • تعليقات فيسبوك
  • اعلان