رئيس التحرير: عادل صبري 07:26 صباحاً | الاثنين 10 ديسمبر 2018 م | 01 ربيع الثاني 1440 هـ | الـقـاهـره 22° غائم جزئياً غائم جزئياً

مالك عدلي: لو سافرت هقطع الباسبور وأنسى إني كنت عايش في مصر

مالك عدلي: لو سافرت هقطع الباسبور وأنسى إني كنت عايش في مصر

سوشيال ميديا

مالك عدلي

تعليقًا على منعه من السفر..

مالك عدلي: لو سافرت هقطع الباسبور وأنسى إني كنت عايش في مصر

غادة بريك 14 نوفمبر 2016 12:50

استنكر الناشط الحقوقي مالك عدلي، قرار منعه من السفر دون أسباب قانونية.
 

وقال عدلي في تدوينة عبر صفحته الشخصية بموقع التواصل الاجتماعي "فيس بوك": " يا أي حد مسؤول عن البلد دي أنا مواطن من مواطنيها بشتغل محامي وبعرف شوية انجليزي وعندي شوية شغل مرتبطين بداه وبيكسبوني شوية فلوس يخلوني أعرف أعيش أنا ومراتي وبنتي، حضرتك رحت أعرف أنا ممنوع من السفر ليه ادوني الورقة دي..لا قاضي ولا قضية ولا أي حاجة".
 

وتابع: "أنا اضمن لحضرتك أنك لما تخرجني بره البلد دي هنساها وهنسى أني أحد مواطنيها أصلا بس عيب توصلني اني اعيش انا ومراتي وبنتي بالدين علشان الناس خايفة توكلني علشان القضاة مبيحبوش وشي".
 

وواصل: "شكرا لحضرتك لو سمحتلنا نمشي من هنا واوعدك هنقطع الباسبور وهنقول اننا من الهند وشكلنا يجيب،  واحنا غلطانين لحضرتك اننا يوما ما حلمنا بالبلد دي افضل وحلمنا ليها بمكان أحسن ..احنا آسفين يا بيه ..حقك علينا .. سيبنا ناكل عيش ونعيش حياتنا بكرامة من غير ما نشحت في الإشارات، وربنا كريم ورزاق ومنتقم وأكبر من الكل".

و تم توقيف ناشط حقوق الإنسان والمحامي مالك عدلي، ومنع سفره إلى فرنسا دون إبداء أي أسباب، في مخالفة قانونية، مطلع نوفمبر الجاري.
 

ومنذ يوليو 2013، منعت السلطات بشكل تعسفي 12 من مديري ومؤسسي وموظفي المنظمات المدنية من السفر إلى الخارج.

 

كما مُنع آخرون من مغادرة البلاد بينهم العشرات من أعضاء الأحزاب السياسية، ونشطاء شباب ومدونون وصحفيون وأكاديميون.

  • تعليقات فيسبوك
  • اعلان