رئيس التحرير: عادل صبري 04:24 مساءً | الأربعاء 21 نوفمبر 2018 م | 12 ربيع الأول 1440 هـ | الـقـاهـره 28° صافية صافية

"أنت ما أكلتش ولازم تكمل".. قواعد العزومات في مصر

أنت ما أكلتش ولازم تكمل.. قواعد العزومات في مصر

سوشيال ميديا

طقوس العزومات في مصر

"أنت ما أكلتش ولازم تكمل".. قواعد العزومات في مصر

غادة بريك 29 أغسطس 2016 10:12

الدعوة إلى وليمة في أي بيت مصري لها طقوس خاصة، عرضت صفحة "خمسة بلس حاجات" بعض منها على موقع "فيس بوك".


وذكرت الصفحة بعض المواقف الطريفة التي يتعرض لها المدعوون أثناء حضورهم لولائم الأصدقاء والعائلة.


خمسة بلس حاجات عن قواعد العزومات في مصر:
 

لو كنت رايح تتغدى أو تتعشى عند حد لازم بعد ما تخلص يحلفوا عليك بكل الحلفانات اللي في الدنيا بأنك ما أكلتش ولازم تكمل أكلك وبعد الضغط الرهيب دا لازم طبعًا تاكل أي حاجة تاني عشان يسيبوك تقوم من على الأكل.


لو العيلة اللي عازمينك عندهم بنت فأنت لازم تشرب المشروب اللي هيقدموه لك كله بالعافية حتى لو مش عاجبك عشان الأسطورة بتقول أنك لو سبت شوية في الكوباية بنات العيلة هتبور. "يعني يرضيك سوسن تبور!".


والضيوف ماشيين لازم يقفوا نص ساعة على السلم يرغوا مع أنهم كانوا قاعدين معاكم بقالهم 5 ساعات.


نخلص من مرحلة السلم ندخل مرحلة أننا نروح نعملهم باي باي من البلكونة لحسن يقولوا أن أحنا ماعبرناهمش وهما ماشيين.


لازم ننضف الشقة قبل مايجوا ونعمل أكل بالعبيط نصه يترمي عادي جدًا .. لازم البفتيك .. علشان محدش يقول حاجة.


عشان تبقى عارف لو ماكلتش هيقولولك أن الأكل ماعجبكش أو أنت مكسوف ولو كلت كتير بعد ما تمشي هيقولوا عليك مفجوع.


وطبعا هيتقال لك الزيارة دي متتحسبش ، لازم تيجي مرة تاني بس تيجي بدري وتبات معانا.

 


اقرأ أيضًا:

  • تعليقات فيسبوك
  • اعلان