رئيس التحرير: عادل صبري 12:16 صباحاً | الثلاثاء 13 نوفمبر 2018 م | 04 ربيع الأول 1440 هـ | الـقـاهـره 26° صافية صافية

إسراء عبد الفتاح عن عمرو بدر ومالك عدلي: النظام يتفاوض على قضايا الرأي

إسراء عبد الفتاح عن عمرو بدر ومالك عدلي: النظام يتفاوض على قضايا الرأي

سوشيال ميديا

إسراء عبد الفتاح

إسراء عبد الفتاح عن عمرو بدر ومالك عدلي: النظام يتفاوض على قضايا الرأي

مصطفى المغربي 28 أغسطس 2016 11:41

علقت الناشطة السياسية إسراء عبد الفتاح، على إخلاء سبيل مالك عدلي المحامي والحقوقي، والكاتب الصحفي عمرو بدر.

 

وقالت في تدوينة عبر حسابها على موقع التواصل الاجتماعي "فيس بوك": "مش عارفة عايزة اقولكم كلمتين ممكن يكونوا صادمين بس هقولهم علشان محشورين في زوري".

 

وتابعت: "النظام ده لا بيتكسف ولا بيضغط عليه من الداخل أبدًا مهما كانت قوة حملات الضغط، النظام ده بيقايض يعني كل قضايا الرأي عنده ومنهم معتقلين الأرض ده بالنسبة ليه كروت بيستخدمها وقت ما هو عايز، ووقت ما هيعرف يفاوض عليها، حاجة قصاد حاجة، مصلحة قصاد مصلحة".

 

وأضافت: "وده طبعًا مش بيقلل مجهود أي حد في حملات الضغط وقضايا الدفاع، لأن ده شيء بديهي لازم يحصل مع كل المظلومين واللي محبوسين علشان رأيهم، بس لازم تحطوا ده في الخلفية وانتوا بتفكروا وبتشتغلوا علشان حرية زمايلكم".

 

وواصلت: "أنا بس بحاول أوضح لكم إن الموضوع أكبر من كل الحملات اللي احنا بنعملها، الموضوع هات وخد، حرية البني آدمين بقيت بيتقايض عليها، والأوامر بتيجي في الميعاد اللي على مزاجهم مش اللي على مزاج حد".

 

وذكرت: "أنا مش عايزة احبطكم بس بحاول اقولكم إن احنا في أوسخ فترة بيتحط علينا فيها وبالأخص كل قضايا الرأي والحريات وإن هذا النظام لا يخجل ولا يتأثر بأي حملات معنوية هو يتأثر بمصلحته فقط ولا شيء آخر".

وقررت محكمة جنايات شبرا، السبت، رفض الإستئناف المقدم من النيابة العامة على إخلاء سبيل المحامى مالك عدلى بضمان محل إقامته، وتأييد اخلاء سبيله، بعد اتهامه بالتحريض على التظاهر وقلب نظام الحكم فى القضية رقم 4016 لسنة 2016 إدارى قسم ثان شبرا الخيمة.

 

ومن ناحية أخرى قررت محكمة الجنايات إخلاء سبيل الصحفي عمرو بدر بكفالة 5 آلاف جنيه.

 

اقرأ أيضًا:

  • تعليقات فيسبوك
  • اعلان