رئيس التحرير: عادل صبري 10:45 مساءً | الاثنين 22 أكتوبر 2018 م | 11 صفر 1440 هـ | الـقـاهـره 33° صافية صافية

وائل غنيم يشن هجومًا حادًا على الإعلام بسبب "زويل الصغير"

وائل غنيم يشن هجومًا حادًا على الإعلام بسبب زويل الصغير

سوشيال ميديا

وائل غنيم

وائل غنيم يشن هجومًا حادًا على الإعلام بسبب "زويل الصغير"

مصطفى المغربي 07 أغسطس 2016 09:21

علق الناشط السياسي وائل غنيم على موقف وسائل الإعلام من وليد عبادي الملقب بـ "المخترع الصغير".

 

وقال في تدوينة عبر حسابه على موقع التواصل الاجتماعي "فيس بوك": “لسه شايف الطفل المخترع المعجزة اللي ظهر مع مصطفى بكري في برنامج "حقائق وأسرار".

 

وتابع: "وليد برغم سنه اللي معداش 15 سنة قدر يقدم مجموعة ضخمة من الاختراعات منها اختراع روبوت اسمه نيمو تكلفته 21 ألف جنيه وهيوفر على مصر 20 مليار جنيه لأنه بيقضي على الآفات الزراعية، وطبعًا زي أي قصة من دول، جاله عرض للاحتراف الخارجي من روسيا بس رفضه حبًا في مصر، وقال إن أي جايزة مادية بيكسبها بيتبرع بيها لصندوق تحيا مصر".

 

وتابع: "مفيد فوزي دخل على الخط وقال إن السماء أرسلت إلينا زويل آخر، والطفل اتكرم من عشرات الهيئات والمؤسسات الحكومية وقابل رئيس مجلس الشعب، وجامعة دمنهور قررت تتبنى أبحاثه العلمية، وتقريبًا تم استضافته في كل الفضائيات".

 

وأضاف: "في نهاية الحلقة خرج والد الطفل المعجزة وطلب من المصريين ياخدوا بالهم من بلدهم، ووليد في لمحة من لمحات بر الوالدين قال: "بابا حالة special شوية، قدر بدون مساعدة من البيئة المحيطة حوالينا قدر يخرج كيان علمي".

 

وتساءل: "شوية أسئلة.. هو الإعلاميين والسياسيين دول مصدقين القصة؟ ولا بيشتغلونا؟ أتمنى يبقوا بيشتغلونا لأن على الأقل ده معناه إنهم نصابين مش أغبياء، هنفضل لحد إمتى بندور على معجزات وماشيين ورا الخرافات؟ إمتى هنبطل نصدق الأخبار دي لمجرد إنها بتدينا أمل كاذب؟".

 

واختتم: "الطفل ده صعبان علي جدًا، مش قادر أتخيل حجم التشوه النفسي اللي بيحصل له، الولد مصدق إنه مخترع وبيتكلم عن نفسه بصيغة الجمع ومقتنع إنه لوحده "كيان علمي"، هو أبوه سليم عقليًا وصحيًا؟، فيه حد هيتحاسب على التهريج ده؟".

اقرأ أيضًا:

  • تعليقات فيسبوك
  • اعلان