رئيس التحرير: عادل صبري 09:10 صباحاً | الاثنين 17 ديسمبر 2018 م | 08 ربيع الثاني 1440 هـ | الـقـاهـره 22° غائم جزئياً غائم جزئياً

عباس أبو الحسن: فوز أحد اللاعبين المصريين في الأولمبياد "معجزة خارقة"

عباس أبو الحسن: فوز أحد اللاعبين المصريين في الأولمبياد معجزة خارقة

سوشيال ميديا

عباس أبو الحسن

عباس أبو الحسن: فوز أحد اللاعبين المصريين في الأولمبياد "معجزة خارقة"

مصطفى المغربي 07 أغسطس 2016 08:18

علق الفنان عباس أبو الحسن على أداء المنتخب المصري في أوليمبياد ريو دي جانيرو بالبرازيل.

 

وقال في تدوينة عبر حسابه على موقع التواصل الاجتماعي "فيس بوك": "أنا مش عايز أقول كلام سخيف أو مُحبِط، في الأوليمبياد، فيه ألعاب كتير زي السباحة وألعاب القوى وغيرها كتير هتلاقي إن في الأدوار التمهيدية أبطال العالم أصحاب الأرقام الفذة مبيهمهمش خالص يطلعوا المركز الأول أو التاني أو التالت حتى".

 

وتابع: "همه يهمهم بس إن يضمنوا التأهل للدور اللي بعدة سواء بتحقيق الأرقام المؤهلة اللي محدداها لجنة الأوليمبياد مش أرقامهم الشخصية أو إن يكون ضمن أول أربعة اللي هيتصعدوا، وميضيعوش مخزن طاقتهم نهائي في الأدوار المؤهلة، لأن المخزن ده اللي هايحتاجو كل ذرة فيه في المعارك الفاصلة علي الدهب".

 

وأضاف: "فمش لازم نفرح زيادة باحتلال بعض لاعبينا المراكز الأولي في الأدوار دي، عشان ميبقاش إحباطنا برضه بزيادة، المصري اللي هايكسب أي ميدالية هايبقي عمل معجزة خارقة هو نفسه ميعرفش يكررها لأن المعجزات بس اللي بينها وبين اللي بعديها أزمنة طويلة".

 

وواصل: "والميدالية دي في رأيي لا تنسب إلا له هو اللي نحت في الصخر وكسب، ومش من الإنصاف إننا نعتبرها قوي ميدالية مصر كسبتها، جنسيات المراكز الأولي في الأوليمبياد بتعكس يا إما مستوى اللعبة اللي فاز في أو مستوي الرياضة عمومًا في بلد الفائز".

 

واختتم: "بص علي المصارعة والملاكمة والجودو اللي مصر أخدت فيهم ميداليات قبل كدة وشوف مستوى الألعاب دي في مصر بالمقارنة بالعالم وانت تفهم نقطتي، عايز أفرح طبعًا بس الفرحة بالمقاس، يا مصريين".

وانطلقت رسميًا في مدينة ريو دي جانيرو البرازيلية أول دورة أولمبياد تقام في أمريكا الجنوبية، حيث أقيم حفل افتتاحي ضخم باستاد ماراكانا.

 

اقرأ أيضًا:

  • تعليقات فيسبوك
  • اعلان