رئيس التحرير: عادل صبري 08:31 صباحاً | الخميس 16 أغسطس 2018 م | 04 ذو الحجة 1439 هـ | الـقـاهـره 37° صافية صافية

النجار عن زيارة شكري لإسرائيل: مصر عمرها ما "اتذلت" بالطريقة دي

النجار عن زيارة شكري لإسرائيل: مصر عمرها ما اتذلت بالطريقة دي

سوشيال ميديا

مصطفى النجار

النجار عن زيارة شكري لإسرائيل: مصر عمرها ما "اتذلت" بالطريقة دي

غادة بريك 11 يوليو 2016 13:07

علّق النائب البرلماني مصطفى النجار، على صورة مفبركة لسامح شكري وزير الخارجية أثناء تحيته لرئيس الوزراء الإسرائيلي، بنيامين نتنياهو.


وقال النجار في تدوينة عبر صفحته الشخصية على موقع التواصل الاجتماعي "فيس بوك": " هتستفيد ايه لما تفبرك صورة لوزير الخارجية عشان تبين أنه بينحنى لنتنياهو؟ هو الانحناء لازم يكون بالظهر؟ ما في مواقف بتمثل انحناء ! وفي تصريحات بتمثل انحناء ! وفي أمر واقع بيمثل انحناء ".


وأضاف: "خيبتنا الاقتصادية انحناء ! سيطرة اسرائيل على أفريقيا انحناء.. ذل اثيوبيا لينا والعطش القادم انحناء.. تبعيتنا لدول تانية انحناء.. إصرارنا ان بلدنا بقت قد الدنيا بينما العالم بيضحك على ضياعنا وفشلنا انحناء .. الناس اللي من بلدنا ولسه بتطبل ومش قادرة تستوعب السواد اللي وصلنا ليه انحناء".
 

وتابع: "الحقيقة المُرة إن مصر عمرها ما اتذلت الذل ده! ولا شافت الهوان دا !الحقيقة أن كل واحد فينا جواه دلوقتي شعور بالكسرة والقهرة مالهوش حدود، اللي عاش أجواء ثورة يناير وإحساس الكرامة ملى قلبه وإحساس العزة كان بيرفرف حواليه، مش هيصدق أن مصر بيتعمل فيها كدا ".
 

وواصل: "لو كل البؤس اللي وصلنا ليه مش كافي ليك عشان تفهم وتفوق وتبطل تطبيل وتبرير يبقى ناقص إيه؟ أرجوك اربط كل الخيوط ببعضها، اللي بيحصل إقليميًا على المستوى العربي والمستوى الأفريقي والشقلبظات الغريبة اللي كل يوم بتفاجئنا بتقولك حاجة واحدة.. إحنا بقينا خارج دائرة التأثير وبقينا دمية بتحركها القوى الدولية والإقليمية، واللي يقولك غير كدا يبقى مصمم يبيع لك الوهم وشوية مشاعر شعبوية كذابة ".
 

واختتم: "مفيش استبداد بيعمل كرامة للوطن ومفيش وطن هيتقدم وسلطته مش بتسمع إلا نفسها، ربنا يستر على مصر من اللى لسه ما مجاش!".

وتداول رواد مواقع التواصل الاجتماعي صورة تظهر انحناء سامح شكري وزير الخارجية بشكل مهين أمام رئيس الوزراء الإسرائيلي بنيامين نتنياهو.

إلا أن "عمرو الشريف" منفذ الصورة بادر بالتعليق عليها بعد انتشارها بشكل كبير بين رواد الموقع: "مش كل ما أعمل كوميك الناس تشيره على أنه بجد، واللي يدخل يقولي ده فوتوشوب وصفحة ده بجد قالت أنها فوتوشوب، نفسي أعرف هو أنا بتاع بليلة ولا بياع تين شوكي.. أنا كل شغلي فوتو وأي صورة عليها اللوجو بتاعي تبقى فوتوشوب".

ووصل مطار القاهرة وزير الخارجية سامح شكري، قادمًا من تل أبيب بعد زيارة لإسرائيل استغرقت يوما واحدا.

 

والتقى وزير الخارجية، سامح شكري، رئيس الوزراء الإسرائيلي، بنيامين نتنياهو، الأحد لبحث مسار السلام بين الفلسطينيين والإسرائيليين.

 

اقرأ أيضًا:

  • تعليقات فيسبوك
  • اعلان