رئيس التحرير: عادل صبري 12:03 صباحاً | الجمعة 17 أغسطس 2018 م | 05 ذو الحجة 1439 هـ | الـقـاهـره 37° صافية صافية

14 معلومة لا تعرفها عن لعبة بوكيمون

14 معلومة لا تعرفها عن لعبة بوكيمون

سوشيال ميديا

بوكيمون

14 معلومة لا تعرفها عن لعبة بوكيمون

عبدالله بدير 10 يوليو 2016 20:24

نشرت صفحة "خمسة بلس حاجات" 14 معلومة عن لعبة بوكيمون جو والتي انتشرت مؤخرًا.


وقالت صفحتها بموقع التواصل الاجتماعي "فيس بوك": "العالم حرفيا مقلوب بقاله يومين وكل الناس في الشوارع ماشية بتدور على الـ Pokémon اللي بيدور عند الجيران واللي دخل وراه قسم شرطة واللي اكتشف أماكن جديدة في بيته أو منطقته عمره ما كان يعرف عنها أي حاجة.


وأضافت: "خمسة بلس حاجات" عن الـ "بوكيمون جو": 


1ـ الـ Pokémon Go باختصار عبارة عن لعبة معتمدة علي الـ Augmented reality اللي بتربط بين كاميرا موبايلك وحاجات في الواقع زي شجرة مثلا أو عمود نور بالـ GPS.


2ـ اللعبة بتحول العالم الحقيقي اللي انت فيه لعالم من البوكيمونز اللي أنت مكلف بمطاردتهم في كل مكان بداية من درج مكتبك ، لابتوبك، سلم بيتكم، وبعدين تاخدك تمرمطك في الشوارع ترمي عليهم كور وتاخدهم أسري معاك، فمتقلقش لما تصحي تلاقي بوكيمون تحت سريرك أو تفتح الحمام تلاقيه قاعد بيلبي نداء الطبيعة.


3 ـ كل اللي عليك إنك تروح للمكان اللي بيحددهولك الـ GPS وتفتح كاميرا موبايلك وتبدأ في اصطياد البوكيمون الموجود عن طريق رمي الكور عليه.


4ـ كل بوكيمون بتصطاده بيكون ليه خصائص معينة زي رقم الـCP اللي بيقيس طاقة البوكيمون، وكل ما زاد الرقم كل ما كانت البوكيمون بتاعة أقوى، وقوة البوكيمون بتزيد عن طريق الـ Stardust ودي أدوات معينة بتاخدها عن طريق إصطياد البوكيمونات جديدة و إصطياد نفس البوكيمون أكثر من مرة.


5ـ المسافات في اللعبة بتتحسب بالمشي الفعلي ومينفعش فيها استخدام العربية لأن الأبلكيشن بستخدم جهاز قياس المشي الموجودك في موبايلك.


6 ـ عشان كده خلونا نتفق إن أحسن حاجة في Pokémon Go إنها بتخليك تتحرك وتنزل للشارع وتتمشي لمسافات بعيدة عشان توصل للـ Pokéstops فهي بردو بتصنف كلعبة رياضية.


7ـ موقع بوكيمون نشر تحذير من تشغيل اللعبة وأنت سايق ولفت انتباه المستخدمين إن في أماكن ممكن يكون جواها بوكيمونز لكن الحصول عليها ممكن يعرضك للخطر زي بيوت الناس والمباني تحت الإنشاء.


8ـ وامبارح البوليس الأمريكي طلع بيان بيناشد فيه المواطنين إنهم يبطلوا يجوا يطاردوا البوكيمونز في الأقسام عشان ميصحش كده.


9ـ اللعبة من تطوير شركة Niantic وهي إحدى الشركات التابعة لآلفابيت (الشركة الأم لجوجل).


10ـ اللعبة متاحة في أمريكا واستراليا ونيوزيلندا، أما باقي الدول ومنها مصر لسة موصلتش ليهم رسميا.


11ـ وعشان إحنا شعب مبيغلبش فاللي بيستخدموا أندرويد حملوها من علي الأنترنت بيصيغة apk وثبتوها علي الموبايل زي اي برنامج تاني عادي.


12- أما بالنسبة لعملاء أبل اللي بيستخدموا نظام IOS فهتلاقوها علي App store ده بعد تغيير الدولة لأمريكا أو استراليا من الإعدادات بتاعة iCloud.


13ـ بالنسبة لجيل التسعينات فالـ "بوكيمون" فدي مش بداية علاقتهم بلعبة البوكيمون إحنا أول جيل لعبها زمان الآتاري وبردو كانت حققت شعبية كبيرة واتحلولت لمسلسل أنمي حقق نسب مشاهدة عالية عالميا واتدبلج للعربي واتعرض لأول مرة في الوطن العربي على القناة الثانية المصرية وقناة MBC سنة 2000.


14 ـ ده لينك لفيديو بيشرح اللعبة وازاي بتتلعب.



لتحميل لعبة Pokemon Go لأجهزة أندرويد، اضغط هنا


لتحميل لعبة Pokemon Go لهواتف آيفون، اضغط هنا


وبحسب سكاي نيوز عربية، أصبحت اللعبة الجديدة التي أطلقت، الأربعاء، في الولايات المتحدة الأكثر تحميلا ضمن التطبيقات المجانية للمتجر الإلكتروني لشركة آبل، كما تسببت في ارتفاع أسهم الشركة 10 في المئة لتسجل أعلى مستوى منذ أكثر من شهرين.


كما طرحت اللعبة في أستراليا ونيوزيلندا هذا الأسبوع ومن المتوقع أن ترى النور قريبا في اليابان.


واللعبة التي يبحث المشاركون فيها عن شخصيات البوكيمون ويقاتلون أخرى متاحة بالمجان، لكنها تعرض أيضا عمليات شراء ضمن التطبيق لزيادة الطاقة أو الحصول على إضافات.


ووعدت نينتندو بإطلاق 4 ألعاب أخرى على الهواتف المحمولة خلال العام المالي الحالي، الذي ينتهي بنهاية مارس، وقالت إنها تتوقع أن تساهم ألعاب الهواتف المحمولة في زيادة كبيرة لأرباح الشركة.


اقرأ أيضًا:

  • تعليقات فيسبوك
  • اعلان