رئيس التحرير: عادل صبري 05:52 مساءً | الأحد 16 ديسمبر 2018 م | 07 ربيع الثاني 1440 هـ | الـقـاهـره 22° غائم جزئياً غائم جزئياً

حازم حسني: حديث السيسي عن رسالة مصر "فيلم كوميدي"

حازم حسني: حديث السيسي عن رسالة مصر فيلم كوميدي

سوشيال ميديا

حازم حسني

حازم حسني: حديث السيسي عن رسالة مصر "فيلم كوميدي"

غادة بريك 05 يوليو 2016 10:48

سخر الدكتور حازم حسني، أستاذ العلوم السياسية بجامعة القاهرة، من تصريحات الرئيس عبد الفتاح السيسي، خلال الاحتفال بالذكرى الثالثة لأحداث 30 يونيو بدار الأوبرا.

 

وقال حسني في تدوينة عبر صفحته الشخصية على موقع التواصل الاجتماعي "فيس بوك": "فيلم "البوسطجى" بتاع شكرى سرحان كان قاسى، بس كان سهل الواحد يفهمه ... أما فيلم السيسى فكان أقرب للأفلام الكوميدي منه لفيلم شكرى سرحان ! بيفكرنى أكتر بفيلم "عفريتة اسماعيل ياسين" لما كيتى طلعت له وكشفت له سر عذابها لأنه الوحيد اللى قلبه أبيض وممكن الأرواح تحبه وتثق فيه وتطلع له!".


وتابع: "مصر بتقول لنا إوعوا حد يخدعكم ويضحك عليكم، بس هى ما كلمتناش فى وشنا لإننا ما كناش متوضيين.. طلعت للراجل اللى بتحبه.. للراجل الطيب اللى فينا، اللى لا عمره خدعنا ولا ضحك علينا.. كشفت له عن سر عذابها، وحمِّلته رسالة عشان يوصلها لنا ونفهم منها إن حامل الرسالة موضع ثقتها وإنها لا ممكن أبداً تفكر ولو للحظة إنه زى اللى بتحذرنا منهم ممكن يخدعنا أو يضحك علينا !".


وأضاف: "مصر بتقول لنا كمان - بس الكلام مش موجه لحامل الرسالة - إن ده مش مقامها، ولا دى قيمتها ولا مكانها؛ وشددت عليه إنه يقول لنا على لسانها إنها منتظرة مننا ما نحوجهاش لحد، حتى لو ما أكلناش، وحتى لو ما نمناش!!  واضح كمان من رسالتها الغاضبة إنها زعلانة مننا قوى، وصعبان عليها السبع آلاف سنة حضارة اللى السيسى غلب يفهمنا إنهم بيضيعوا من إيدينا.. عشان كده مصر قررت تبعت لنا رسالتها وحياً من خلاله باعتباره الصادق الأمين الذى لا ينطق عن الهوى، إن هو إلا وحى يوحى!".


وواصل: "سؤال واقف فى زورى ومش قادر أبلعه: هى مصر دى مش أمنا؟ طيب ما هانش عليها تبعت لولادها رسالة - ضمن الرسايل - تقول لهم فيها آخرتها إيه؟ واللا هى بعتت لنا رسالة بالمعنى ده والبوسطجى فتحها وحط عليها ختمه بالغلط؟ واضح إن الأفلام كلها دخلت فى بعضها، ولا عدناش عارفين دور شكرى سرحان من دور اسماعيل ياسين من دور السيسى ! ربنا يقوينا ونعرف نفصل الأفلام عن بعضها فى المونتاج".


 

 

وقال الرئيس عبد الفتاح السيسي خلال كلمته: "أنا محمّل برسالة من مصر، مصر بلدنا قالت لي لازم تبلغ الرسالة دي لأهل مصر، مصر بتقولكم كلكم أنا أمانة في رقبتكم، اوعوا أبدًا تختلفوا.. اوعوا حد يضحك عليكم ويخدعكم يامصريين ويضيع بلادكم".


شاهد الفيديو..

 

اقرأ أيضًا:

  • تعليقات فيسبوك
  • اعلان