رئيس التحرير: عادل صبري 06:34 مساءً | الثلاثاء 16 أكتوبر 2018 م | 05 صفر 1440 هـ | الـقـاهـره 28° صافية صافية

مالك عدلي من محبسه: بالرغم من وجع الجسم روحي لسه سليمة

مالك عدلي من محبسه: بالرغم من وجع الجسم روحي لسه سليمة

سوشيال ميديا

مالك عدلي

مالك عدلي من محبسه: بالرغم من وجع الجسم روحي لسه سليمة

عبدالله بدير 02 يوليو 2016 23:05

نشرت أسماء علي زوجة المحامي مالك عدلي، رسالة له من داخل محبسه، مشيرة إلى مرور 58 يومًا عليه في الحبس الانفرادي. 


وقالت في تدوينة على حسابها بموقع التواصل الاجتماعي "فيس بوك": "انهاردة اليوم 58 لمالك في القبو الانفرادي اللي هوا فيه، زي ما باكتب كل مرة، الوضع زي ما هو انفرادي في زنزانة ضيقة اتنين في تلاتة متر مفيهاش غير بطانيتين بس من غير أي حاجة تساعده يعدي الوقت".


وأضافت: "مفيش خروج نهائي بره الزنزانة، مالك فعلا زيارة عن زيارة ملاحظ جدا تدهور صحته، بقى بيدخل مستشفى السجن أكتر من مرة، ضربات قلبه سريعة ضغطه بيعدي 110/160، مالك لازم يخرج من زنزانته يوميا". 


وتابعت: "رسالة مالك اتاخدت مني انهاردة بس أنا حافظه معظمها".


نص الرسالة..


"هنا، عند مُنْحَدَراتِ التلالِ، أمام الغروبِ وفُوَّهَة الوقت، قُرْبَ بساتينَ مقطوعةِ الظلِّ، نفعلُ ما يفعلُ السجناءُ، وما يفعلُ العاطلونَ عنِ العمَلْ: نُرَبِّي الأمَلْ.


دي جملة لمحمود درويش بترن في دماغي دايما، أيوه أنا بأربي الأمل، والمدد بيجيلي دايما من الأخبار اللي باعرفها من زوجتي في كل زيارة، شكرا لكل اللي لسه بيقاوموا وبيساعدوا في تربية الأمل وماشيين ع الدرب.


بالرغم من الوضع القاسي غير الإنساني وبرغم من وجع الجسم كله إلا أن روحي لسه سليمة، أنا راضي بالتمن اللي بادفعه ودايما مش عايزكوا تيأسوا ومتبطلوش تدعموا قضية تيران وصنافير، الأرض مصرية متفرطوش فيها.


سلامي موصول لكل الصحاب الجدعان ولكل اللي بيسأل عليا كل سنة وانتوا دايما طيبين".



اقرأ أيضًا:

  • تعليقات فيسبوك
  • اعلان