رئيس التحرير: عادل صبري 01:38 صباحاً | الثلاثاء 16 أكتوبر 2018 م | 05 صفر 1440 هـ | الـقـاهـره 28° صافية صافية

زوجة مالك عدلي: مخرجش من زنزانته منذ 34 يومًا

زوجة مالك عدلي: مخرجش من زنزانته منذ 34 يومًا

سوشيال ميديا

مالك عدلي

زوجة مالك عدلي: مخرجش من زنزانته منذ 34 يومًا

عبدالله بدير 07 يونيو 2016 19:58

كسفت أسماء علي، زوجة المحامي الحقوقي مالك عدلي، عن وضع زوجها في السجن.


وقالت في تدوينة على حسابها بموقع التواصل الاجتماعي "فيس بوك": "اكتبوا عن مالك، مالك مبيخرجش بره زنزانته بقاله 34 يومًا، مانعين عن التريض نهائي يعني حرفيًا قاعد في زنزانة اتنين في تلاتة متر مبيخرجش براها نهائي مبيشوفش شمس".


وأضافت: "دا بدأ يأثر على صحته بشكل سلبي جدًا، بدأ يشتكي من تيبس في المفاصل في رجليه مبقاش بيحركهم كويس، بقى عنده مشاكل في ضهره من النوم على الأرض من غير سرير ولا حتى مرتبة".


وتابعت: "مش عايزين حاجة أكتر من إن مالك يتعامل زي باقي المساجين، يتطبق عليه لايحة السجن، مالك جدع وفاهم وراضي إنه بيدفع تمن، أنا مش عايزة مالك يخرج من الحبس عيان".


واختتمت: "مش عايزين أكتر من تطبيق اللايحة، الداخلية طول عمرها ند خسيس مقدروش على مالك بالحجة وبالمنطق وبالقانون، مصدقوه وقع تحت إيديهم أسير وبينكلوا بيه، اكتبوا عن مالك كتير".


يذكر أن مالك قبض عليه كمتهم في القضية رقم 4016 لسنة 2016 إداري قسم ثان شبرا الخيمة، بتهم محاولة قلب نظام وتغيير دستور الدولة ونظامها الجمهوري وشكل الحكومة، والانضمام إلى إحدى الجمعيات والهيئات والمنظمات التي تبغي إلي تعطيل أحكام دستور الدولة والقانون ومنع مؤسسات الدولة وسلطاتها العامة من ممارسة عملها والإضرار بالوحدة الوطنية والسلام الإجتماعي، فضلا عن الترويج بالقول والكتابة للأغراض محل الإتهام الأول وذلك بأحد الطرق المعدة للتوزيع والطباعة.


اقرأ أيضًا:

  • تعليقات فيسبوك
  • اعلان