رئيس التحرير: عادل صبري 03:58 مساءً | الثلاثاء 23 أكتوبر 2018 م | 12 صفر 1440 هـ | الـقـاهـره 33° صافية صافية

محمد أبو الغيط: لهذه الأسباب لا تُسرب الامتحانات في الخارج؟

محمد أبو الغيط: لهذه الأسباب لا تُسرب الامتحانات في الخارج؟

سوشيال ميديا

محمد أبو الغيط

محمد أبو الغيط: لهذه الأسباب لا تُسرب الامتحانات في الخارج؟

عبدالله بدير 06 يونيو 2016 22:10

علق الكاتب الصحفي محمد أبو الغيط، على تسريب امتحانات اللغة العربية والتربية الدينية، خلال امتحانات الثانوية العامة، أمس الأحد.


وقال في تدوينة على حسابه بموقع التواصل الاجتماعي "فيس بوك": "موضوع تسريبات الثانوية العامة مش بس بتوسيع الرؤية بيفتح الكلام عن التعليم، ثم يرتبط بعلوم الاجتماع والاقتصاد والسياسية، بل لما نبعد أكتر هنشوف الموضوع كمان من ناحية إقليمية".


وأضاف: "السنادي والسنة اللي فاتت تسريب الامتحانات كان ظاهرة في أغلب دول منطقتنا المنكوبة، لدرجة أنه ده بقى القاعدة، يتساوى بذلك السعودية الغنية بالسودان الفقيرة، العراق المضطربة بالمغرب المستقر".


وتابع: "من اللافت تشابه نمط ردود الحكومات، مثلًا في الجزائر رئيس ديوان رئاسة الجمهورية أحمد أويحيي اتهم الإسلاميين بإنهم السبب - نفس شماعة الإخوان عندنا!!، وفي الجزائر برضه آخر ما زهقوا تم حجب مواقع التواصل الاجتماعي وتقنيات الجيل الثالث بالمحمول أثناء فترة الامتحان، وده شبيه بما فعله العراق السنة الماضية".

وواصل: "أنا اتكلمت قبل كده عن فكرة إن فيه عالم جديد حرفيًا بيولد، عالم يُغير مفاهيم كانت مستقرة عن السياسة والاقتصاد والثروة وطبعًا "إجراءات الأمن"، وذلك "الجديد" لم يعد يسمح باستمرار القديم، لم يعد ذلك خيارًا أصلًا".


وأكمل: "ثورة التقنية اللي وصلت ليد الجيل الجديد بقت قادرة على كسر إجراءات التأمين مهما كانت، وبالتالي كسر منظومة التعليم القائمة على الحفظ والتلقين والصم".


واستطرد: "ده مبيحصلش في امتحانات برة مش عشان الناس بتدخل أي كلية بمزاجها، ولكن عشان أسلوب التقييم - واللي هو صعب جدًا ومتعب جدًا مش دلع برضه - لا يعتمد على آليات الحفظ والمناهج الصماء، بل الفهم والتطبيق العملي اللي في ظله ممكن طالب يدخل الامتحان ومعاه الكتاب والانترنت ويسقط برضه".


وأردف: "وهو بالمناسبة نفس الطالب اللي مش هيموت لو لم يدخل كلية كذا اللي هيا الطريق الوحيد ليجد وظيفة بدخل كويس ويجد احترام مجتمعي، عادي ممكن يقرر يبقى سباك ويكسب كويس ويرتقي اجتماعيًا.


وقال: "أنا هنا مش باتكلم من ناحية أخلاقية، وبالمناسبة أنا بشكل شخصي كنت الطالب المثالي الرخم جدًا اللي بيطلع الأول على الفصل، ومرة فتنت على مراقبة حاولت تغشش زمايلي في ابتدائي واتشهرت جدًا بسبب القصة دي في المدرسة لأن مدير المراقبة طردها من اللجنة قدام الناس بسببي، قالها "روحّي يا أبلة"!، لكن ده توصيف لواقع بحت أيًا كان رأي أي حد الايجابي أو السلبي فيه".


وأضاف: "ده اللي حصل عندنا وعند كل الدول اللي تعليمها زينا، وده اللي هيفضل يحصل ويتوسع أكتر كمان، ولو قفلتو صفحة تشاومينج هيطلع غيرها".


وتابع: "للأسف أكيد الكلام ده صعب على فهم الدولة اللي لسه بتحط يفط "ممنوع التصوير" على المناطق العسكرية اللي أي عيل بياخد صورها الجوية من جوجل إيرث عادي، وعلى فهم الجنرال اللي مش عايز حد يصور العشوائيات ومقتنع إنه ممكن يقفل علينا الفيس بوك بكتيبتين".




كان قد تم تسريب امتحاني مادة اللغة العربية والتربية الدينية بالثانوية العامة النظام الحديث للعام الدراسي 2015،2016.


وبدأ أمس الأحد ما يقرب من 560 ألف طالب وطالبة على مستوى الجمهورية، امتحانات الثانوية العامة نظام حديث للعام الدراسي2015،2016.


اقرأ أيضًا:

  • تعليقات فيسبوك
  • اعلان