رئيس التحرير: عادل صبري 06:56 صباحاً | الاثنين 19 نوفمبر 2018 م | 10 ربيع الأول 1440 هـ | الـقـاهـره 26° صافية صافية

6 إبريل: السجن مش حاجة حلوة وده طريقنا وهنكمله

6 إبريل: السجن مش حاجة حلوة وده طريقنا وهنكمله

سوشيال ميديا

حركة 6 إبريل

6 إبريل: السجن مش حاجة حلوة وده طريقنا وهنكمله

غادة بريك 28 أبريل 2016 07:31

قالت حركة شباب 6 إبريل، أن وجود بعض أعضائها وآخرين من معارضي النظام في السجون، لن يغير من مواقفها تجاه السلطة الحالية.


وأضافت الحركة في منشور عبر صفحتها الرسمية بموقع التواصل الاجتماعي "فيس بوك":  "توضيح هام.. اختيار المقاومة لنظام حكم ظالم وفاسد وقمعي وظلمه ده مأثر على حياة الكل بما فيهم مؤيديه هو اختيار لطريق في الحياة والحياة اختيارات واللى اختار الطريق ده اختاره تطوعًا وهو عارف أنه ممكن يدفع ثمن غالي من حريته أو حياته نفسها ".


وتابعت: "مقاومة الظلم ومحاولة تغيير العالم من حولنا لمكان أفضل من وجهة نظرنا هو طريق طويل بنعدي فيه بمحطات وجولات ومعارك بعضها مع من نقاومه وبعضها لازم يكون مع أنفسنا أولًا ".


وواصلت: "الاختيار ده محتاج مقاتلين وأبطال حقيقيين يقدروا يكملو ويواجهو ويتحملوا.. التضحية فكرة مثالية جدًا والبطولة نفسها فكرة ممكن تبدو من عالم خيالي لكن إحنا بنشوف أبطال حقيقيين من لحم ودم هما زملاءنا وأهلنا وإخواتنا اللى في السجون وبيدفعوا ثمن غالي أوي.. وفي لحظات ممكن أي حد يتساءل.. استفادوا إيه من كل ده... قتل و حبس وتشريد وضياع مستقبل.. لكن الرد ببساطة أن الناس دي مؤمنة باللى هي بتعمله وأن دا دور كل واحد فيهم كإنسان قبل ما يكون أي حاجة ثانية وإيمانهم دا بيخلي أي حاجة ثانية تبان صغيرة أوي ...السجن مش حاجة حلوة أبدًا... وإحساس الظلم مش حاجة سهلة أبدًا ".

 

واختتمت: " أفضل حاجة نعملها لأبطالنا أننا نكمل طريقهم وطريقنا.. عشان كل تضحياتهم دي (برغم أنها قيمة في ذاتها) متبقاش هدر.. دا عهدنا ودا طريقنا".



اقرأ أيضًا:

  • تعليقات فيسبوك
  • اعلان