رئيس التحرير: عادل صبري 07:55 مساءً | السبت 17 نوفمبر 2018 م | 08 ربيع الأول 1440 هـ | الـقـاهـره 26° صافية صافية

نوارة نجم: السلطات المصرية تزايد على مقتل "عادل حبيب"

نوارة نجم: السلطات المصرية تزايد على مقتل عادل حبيب

سوشيال ميديا

نوارة نجم

نوارة نجم: السلطات المصرية تزايد على مقتل "عادل حبيب"

مصطفى المغربي 27 أبريل 2016 14:44

ذكرت الناشطة السياسية نوارة نجم أن السلطات المصرية تزايد على حادث مقتل الشاب المصري عادل حبيب الذي عُثر عليه مقتولًا في لندن.

 

وقالت في تدوينة عبر حسابها على موقع التواصل الاجتماعي "فيس بوك": "طيب يا جماعة في مواطن مصري مات محروق في لندن والتحقيقات في انجلترا ابتدت والسلطات المصرية بتزايد من قبل ما أي حاجة تحصل".

 

وتابعت: "يعني مثلاً... السلطات الإنجليزية أو الإعلام الإنجليزي ما قالوش إن شريف حبيب مثلي جنسيًا واللي قتله صاحبه، أو إنه كان في حفلة جنس جماعي سادي، أو إنه جاسوس مصري، أو ما يغور في داهية، أو ده اتحرق عشان مات في حادثة عربية، الناس قالوا احنا بنحقق لو مصر عايزة تبعت وفد يحقق معاهم ويوكسهم ويخيبهم وياكل دماغهم ما يجراش حاجة".

 

وأضافت: "حقها.. بس هي مش حتعمل حاجة بوفدها ده غير تبقى خايلة كدابة بس ما جراش حاجة، بس إن القذارة توصل إنهم يقولوا انتوا ما بتضامنوش مع شريف زي ما تضامنتوا مع ريجيني؟".

 

وواصلت: "طيب.. لما تبقى بريطانيا تقول على شريف إنه اتحرق في حادثة عربية وإنه مثلي وسادي وجاسوس حنبقى ننزل نتظاهر حاضر بس ما تضربوناش بقى، وحنروح نجيب حقه كمان والله، زي ما دافعنا عن مصريين كتير ماتوا برة وانتوا طنشتوا بس انتوا ناسيين".

 

واختتمت: "بس يا ريت الناس اللي بتستغل موت إنسان عشان تزايد بيه، وكأنهم فرحانين قوي إن في واحد مصري مات في انجلترا عشان يغلوشوا على وساختهم، يا ريت هم بقى كمان يبقوا يسألوا على المصريين اللي بيتجلدوا في السعودية، وما تنسوش تبقوا ترفعوا علمها كويس قوي".

وأصدرت وزارة الخارجية، بيانًا بشأن مقتل الطالب المصري شريف عادل فهمي في لندن، مؤكدة أنها تتابع الحادث بعد جثة المواطن المصري داخل سيارة محترقة في جراج سيارات في لندن.

 

وأكدت الوزارة أن القنصل العام المصري في لندن، السفير علاء يوسف بمتابعة التحقيقات التي تجريها الشرطة البريطانية، بهدف التعرف علي أسباب الحادث.

 

وعثرت قوات الأمن البريطانية اليوم على جثة المواطن المصري شريف عادل حبيب ميخائيل داخل أحد جراجات السيارات في منطقة ساوث هول بالعاصمة البريطانية "لندن".

 

اقرأ أيضًا:

  • تعليقات فيسبوك
  • اعلان