رئيس التحرير: عادل صبري 02:26 مساءً | الأحد 23 سبتمبر 2018 م | 12 محرم 1440 هـ | الـقـاهـره 34° صافية صافية

رئيس اتحاد طلاب مصر منتقدًا إبراهيم عيسى: يمثل نخبة عاجزة عن الفعل

رئيس اتحاد طلاب مصر منتقدًا إبراهيم عيسى: يمثل نخبة عاجزة عن الفعل

سوشيال ميديا

عمرو الحلو - نائب رئيس اتحاد طلاب مصر

رئيس اتحاد طلاب مصر منتقدًا إبراهيم عيسى: يمثل نخبة عاجزة عن الفعل

غادة بريك 27 أبريل 2016 13:03

انتقد عمرو الحلو، نائب رئيس اتحاد طلاب مصر، الإعلامي إبراهيم عيسى، بسبب تصريحات الأخير عن اتحاد طلاب جامعة طنطا.

 


وقال الحلو في تدوينة عبر صفحته الشخصية بموقع التواصل الاجتماعي "فيس بوك": "بخصوص كلام الاستاذ ابراهيم عيسى عن اتحاد طلاب جامعة طنطا وانه ياشباب ياخايب بدل ماتدعموا زمايلكم المحبوسين بوقفات او بشئ اخر اترشحوا للمحليات احسن .. فالرد كالتالي :ان احنا بالفعل كشباب خايب نزلنا انتخابات اتحاد الطلاب ف ظل ظروف صعبه جدا وربنا وفق وكسبناها .. وتشرفنا بتمثيل طلاب جامعتنا وبعد ذلك ترشحت انا على مسئولية ف اتحاد مصر وربنا كرم وكسبنا برضه بغض النظر عن اللى حصل بعد كدا .. في نفس الوقت اللى الاستاذ ابراهيم عيسى فيه لو كان نزل اى انتخابات حتى لو انتخابات نقابه تتم بشكل نزيه كان هيخسر" .


وتابع: "من يعطينا دروس عن ازاى نشتغل صح .. عاش بصفة المناضل سنوات طويله ف عصر مبارك ، المناضل دا بقى اتسجن عشان كان بيتظاهر ، المناضل دا اتسجن عشان كان بيعارض مبارك .. نفس المناضل دا مقالش لنفسه من ايام مبارك اننا محتاجين تنظيمات مدنيه قويه تساهم ف خلق بيئة ديمقراطيه بعد الثوره وفضل ع نفس النهج .. وبالتالى لو كان نزل حتى انتخابات محليات كان هيخسر لانه ادمن الكلام وادمن الاعلام ".

 

وأضاف: "بالفعل ياسيدى نظمنا انفسنا ف انتخابات تخصنا كطلاب وكسبنا وحضرتك وامثال حضرتك هتفضلوا النخبه البائسه العاجزه اللى لم تفلح حتى ف صناعة تنظيم مدنى يمثل افكار الحريه والديمقراطيه ف البلد .. بل وتحولتم لمجموعة من المطبلاتيه وهنا انا لست الشخص الساذج اللى مش بيفرق بين معارضه حقيقيه بتقدم احيانا تنازلات تحت ضغوط الاستبداد ولكن بتكلم عن شخص باع كل مبادئه لاجل برنامج او صحيفه ، وقد نستفيد من نصيحتك مستقبلا وننظم انفسنا فى مجالات اخرى .. وبرضه هتفضل حضرتك وامثالك نخب عاجزه عن الفعل ورد الفعل ".

 

وواصل: "ختاما .. احنا مش من النوع اللى بيستمتع و بيشبع رغبات الجمهور بالشتيمه ولعن الآخرين والجلوس امام الشاشه ف برنامج توك شو اتكلم لوحدى ساعات كما يفعل استاذنا منفصلا عن عالمى وعن افكارى ومبادئى وعن حتى الشارع الذى اخاطبه .. يعنى لا حصلت توفيق عكاشه ولا احمد موسى حتى ! .. ولكن احنا من النوع اللى بيفضل يفضل بين الناس نناضل من اجل مانحلم به من كرامة ووطن حر وحياة كريمه .. اما بممارسة حقوقنا فى العمل النقابى او حرية الرأى والتعبير بكل صورها او بالمشاركه ف العمل التطوعى والسياسى .شتان بين هذا وذاك .. لعل الاستاذ يفيق من الغيبوبه" .




اقرأ أيضًا:

  • تعليقات فيسبوك
  • اعلان