رئيس التحرير: عادل صبري 06:21 صباحاً | الأحد 23 سبتمبر 2018 م | 12 محرم 1440 هـ | الـقـاهـره 34° صافية صافية

رسام كاريكاتير بعد القبض عليه في "وسط البلد": محظوظ إني خرجت بدون أذى

رسام كاريكاتير بعد القبض عليه في "وسط البلد": محظوظ إني خرجت بدون أذى

غادة بريك 22 أبريل 2016 17:59

روى مخلوف، رسام الكاريكاتير بموقع "المصري اليوم"، تفاصيل القبض عليه من مقهى بـ "وسط البلد"، أمس الخميس.


وقال مخلوف في تدوينة عبر صفحته الشخصية بموقع التواصل الاجتماعي "فيس بوك": "اتقبض عليا تجربة كئيبة بس مكانتش قاسية أوي. اتقبض عليا من على القهوة بدون سبب مع ناس اعرفهم وناس لأ. سابوني قبل ما أكمّل الساعة".


وأضاف: "كلنا كنّا عارفين إننا هانتشد بس هي مسألة وقت! بس في ناس اتفاجئت وزعلت.. لأنها مش في الحسبان.. كل تهمتهم إنهم شباب، كنت محظوظ في الرسم والتعبير عن الرأي من خلال قناة شرعية متمثلة في مساحتي بجريدة المصري اليوم. وكنت محظوظ إني خرجت بدون أذى."


وتابع: "في ناس مش محظوطة مقبوض عليهم ولسة محدش عارف هم فين وبيتعمل فيهم إيه! مش مشهورين ولما بيخرجوا مش بينالوا المزيد من الشهرة زي أمثالي مثلًا، وده مش عدل".


وواصل: "ولما بتكون الحياة مش عادلة.. الإنسان بيحاول يطبق العدل.  لنا بتكون الحياة مش جميلة.. الإنسان بيحاول يجملها.. لما بتكون الحياة قاسية.. مش لازم يكون الإنسان قاسي!  إحنا أبسط من إنكم تخافوا مننا.. إحنا مجرد شباب ".

وشنت قوات الأمن حملة أمنية مساء الخميس، حتى فجر الجمعة، للقبض على عدد من الشباب والمواطنين من منطقة وسط البلد.

اقرأ أيضًا:

  • تعليقات فيسبوك
  • اعلان