رئيس التحرير: عادل صبري 03:30 صباحاً | الثلاثاء 25 سبتمبر 2018 م | 14 محرم 1440 هـ | الـقـاهـره 34° صافية صافية

6 إبريل: غباء النظام وراء الحشد لمظاهرة الإثنين القادم

6 إبريل: غباء النظام وراء الحشد لمظاهرة الإثنين القادم

سوشيال ميديا

حركة 6 إبريل

6 إبريل: غباء النظام وراء الحشد لمظاهرة الإثنين القادم

غادة بريك 22 أبريل 2016 15:59

واصلت حركة شباب 6 إبريل الدعوة للمشاركة في مظاهرات 25 إبريل الجاري، احتجاجًا على التنازل عن جزيرتي "تيران وصنافير" لـ المملكة العربية السعودية.


وأصدرت الحركة بيانًا عبر صفحتها الرسمية بموقع التواصل الاجتماعي "فيس بوك" جاء فيه: "النظام اتجنن وقبض على شباب كتير أوي من على القهاوي ومن البيوت امبارح... دا آخركم... طيب نحب نقولكم أننا موجودين وبنشتغل على الحشد لليوم بقوة أكثر من الأول...وأن ناس كتير أوي هتنزل يوم 25 مهما حصل".


وتابع البيان: "هتحبسونا؟ طيب محنا محبوسين من سنين ومكبوتين وبنتعرض لقمع رهيب واللى بيحاول يفتح بقه كان بيتحبس وشايفين كل يوم خيبة جديدة لنظامكم بتأثر على حياتنا كلنا ومستقبلنا كلنا... حتى اللي ماشي جنب الحيط وحتى اللى بيطبلكم.. الحقيقة مش محتاجين نحشد ضدكم لأن غباءكم وتجبركم هو أكبر حاجة هتخلي الناس تنزل يوم 25 واللي بعده واللي بعده ".


وواصل: "إلى كل شباب الثورة: ركزوا في طريقكم.. غطائنا السياسي الوحيد هو العدد في الشارع واللي ليه ظهير شعبي معقول في البيوت في كل مصر لأن النظام تجاوز كل حد في موضوع الجزيرتين تحديدًا".


وأضاف: "يا ريت منهتمش بأي كلام أو إشاعات.. حركة الشارع محدش يقدر يتحكم فيها وبتغير كل الخطط والترتيبات والموازين ، اللي بيحصل ده بيأكد أن إحنا كثير ومهمين ومؤثرين ومصممين على أننا ناخد فرصتنا ونغير بلدنا للأحسن وأن شباب  25 يناير لسه حي وقوي وقادر إنه يغير المعادلة من ثاني ".


اقرأ أيضًا:

  • تعليقات فيسبوك
  • اعلان