رئيس التحرير: عادل صبري 07:43 مساءً | الجمعة 21 سبتمبر 2018 م | 10 محرم 1440 هـ | الـقـاهـره 34° صافية صافية

خالد فهمي يطالب بتحويل الداخلية إلى جهة مدنية بعد "حادث الرحاب"

خالد فهمي يطالب بتحويل الداخلية إلى جهة مدنية بعد حادث الرحاب

سوشيال ميديا

خالد فهمي، أستاذ التاريخ بالجامعة الأمريكية بالقاهرة

خالد فهمي يطالب بتحويل الداخلية إلى جهة مدنية بعد "حادث الرحاب"

عبدالله بدير 19 أبريل 2016 17:25

طالب خالد فهمي، أستاذ التاريخ بالجامعة الأمريكية بالقاهرة، ان تكون وزارة الداخلية جهةً مدينةً، ويكون وزيرها مدنيًا، وذلك على خلفية حادثة أمين شرطة بمدينة الرحاب، الذي وقعت اليوم الثلاثاء".


وقال في تدوينه على حسابه بموقع التواصل الاجتماعي "فيس بوك": "من يومين وأثناء المؤتمر الصحفي مع الرئيس الفرنسي أولاند، السيسي ادعى إن أهل الشر في مصر عاوزين يهدموا مؤسسات الدولة، مؤسسة مؤسسة، وقال كمان إن أهل الشر دول بيلزقوا تهم للداخلية علشان يهدموها".


وأضاف: "بالإضافة طبعًا للغة الغرائبية بتاعت "أهل الشر" اللي ما سمعنهاش من أكتر من ١٠٠ سنة، الملفت في كلام السيسي إنه مش قادر، أو مش عاوز يفهم إن الداخلية هي اللي بتهدم نفسها، وإنها مش محتاجة "أهل الشر" علشان يقضوا عليها".


وأكمل: "يعني لا يمكن تكون صدفة إن في أقل من شهرين نشوف ٢ أمناء شرطة يقتلوا ناس غلابة باستخدام سلاحهم الميري علشان الناس الغلابة دول بيطالبوا أمين شرطة إنه يحاسب على المشاوير (في حادثة الدرب الأحمر يوم ٢٠ فبراير) أو المشاريب (في حادثة التجمع الخامس النهار دا)".


وواصل: "إحنا بقالنا سنين بنقول إن فيه ثقافة مستشرية جوا الداخلية بتسمح بالاستخدام المفرط دا للعنف، وبقى لنا سنين بنقول إن الثقافة دي مفهومة من قِبل الضباط وأمناء الشرطة: اعملوا ال في نفسكم واحنا هنحميكم".


وتابع: "وبقالنا سنين بنقول إن الثقافة دي مش معناها إن ما فيش ضباط شرفاء، طبعا فيه لكن الثقافة الحاكمة جوا الداخلية أكبر وأقوى من الظباط الشرفاء دول، وبقى لنا سنين بنقول ما ينفعش بعد كل حادثة تعذيب أو وفاة داخل الأقسام أو قتل خارج القانون نقول "حالة فردية".


واستطرد: "وبقالنا سنين بنقول إنه لازم نعيد هيكلة الداخلية مش بمحاسبة أمين هنا ولا ضابط هناك (أمين شرطة الدرب الأحمر خد مؤبد) ولكن بتغيير الثقافة السائدة جوا الداخلية: تدريب الضباط، ومراقبتهم، ومحاسبتهم، ولبسهم، وطبيعتهم العسكرية، والقوانين المنظمة ليهم، وأهم من كل دا: عقيدتهم".


واختتم: "الشرطة لازم تكون جهة مدنية يديرها شخص مدني، وتكون خاضعة لرقابة مجتمعية مش بس رقابة زيتنا في دقيقنا بتاعت الداخلية".




وبحسب بيان أصدرته وزارة الداخلية، قام أمين شرطة بإطلاق النار على 3 أشخاص في مدينة الرحاب، توفي أحدهم بينما أصيب آخران، بعد مشاجرة على سعر أحد المشروبات الساخنة، نافية وفاة أحد المصابين.


اقرأ أيضًا:

  • تعليقات فيسبوك
  • اعلان