رئيس التحرير: عادل صبري 06:11 صباحاً | الأحد 18 نوفمبر 2018 م | 09 ربيع الأول 1440 هـ | الـقـاهـره 26° صافية صافية

نجاد البرعي للسيسي: "الشباب ميقدروش يبيعوا بضاعة فاسدة"

نجاد البرعي للسيسي: الشباب ميقدروش يبيعوا بضاعة فاسدة

سوشيال ميديا

نجاد البرعي

نجاد البرعي للسيسي: "الشباب ميقدروش يبيعوا بضاعة فاسدة"

مصطفى المغربي 17 أبريل 2016 09:57

علق المحامي والحقوقي نجاد البرعي على لقاء الرئيس عبد الفتاح السيسي بمجموعة من الشباب خلال زيارته لمنطقة جبل الجلالة، الجمعة الماضية.

 

وقال في تدوينة عبر حسابه على موقع التواصل الاجتماعي "فيس بوك": "أنا ما عنديش مشكلة إن الرئيس يحاول تكرار تجربة منظمة الشباب الاشتراكي أو حتى جمعية جيل المستقبل".

 

وتابع: "وما عنديش أي مشكلة إن الرئيس برضو يهتم ببعض شباب الإعلاميين ويجهزهم لوراثة شيوخ الإعلاميين خاصة، المشكلة إنه لازم يعرف إن كل دول ما يقدروش يبيعوا بضاعة فاسدة وإلا هيضيعوا وهيفشلوا وهتضيع كل الفلوس اللي بتتصرف عليها في الأرض".

 

وأضاف: "بتوع منظمة الشباب صمدوا وطلع منهم كوادر مهمة علشان كان بيبيعوا بضاعة عليها طلب ولو نسبي، بتوع جمعية جيل المستقبل بيشتغلوا في الكول سنتر بتاع اتصالات وغيرها لأنهم كانوا عايزينهم يبيعوا بضاعة فاسدة ما تنفعش تتباع".

 

وواصل: "ببساطة البضاعة قبل البياع، صحيح البياع الشاطر هيبيع أي حاجة لكن مش أي حاجة ممكن تتباع حتي لو عمل زي بعض المطاعم وحط بهارات كثيرة علي اللحمه البايظه وشواها على النار بشويه دهن فالناس راحت ووقفت طوابير وأكلت".

 

واختتم: "في النهايه لو واحد، أيوة واحد بس هيموت من الأكل الفاسد ده والبوليس هيجي يقفل الدكان، ده تعليقي علي شباب جبل الجلالة وحوارتهم الشيك مع الرئيس هناك يوم جمعة الأرض، هل رسالتي وصلت يا ريس؟".

وتفقد الرئيس عبد الفتاح السيسي أول أمس الجمعة، منطقة جبل الجلالة، على طريق الزعفرانة السخنة، لمتابعة المشروعات الجارى تنفيذها.

 

اقرأ أيضًا:

  • تعليقات فيسبوك
  • اعلان