رئيس التحرير: عادل صبري 09:23 مساءً | الجمعة 21 سبتمبر 2018 م | 10 محرم 1440 هـ | الـقـاهـره 34° صافية صافية

أحمد حلمي لجمهوره: اللي ينتحل شخصيتي اعملو معاه الصح

أحمد حلمي لجمهوره: اللي ينتحل شخصيتي اعملو معاه الصح

سوشيال ميديا

أحمد حلمي

أحمد حلمي لجمهوره: اللي ينتحل شخصيتي اعملو معاه الصح

عبدالله بدير 16 أبريل 2016 21:25

نفى الفنان أحمد حلمي، امتلاكه حسابات أخرى على مواقع السوشيال ميديا، مؤكدًا أن جميع حساباته موثقة، ولا يجب أن ينساق أي شخص وراء هذه الحسابات المزيفة.


وقال على صفحته الرسمية بموقع التواصل الاجتماعي "فيس بوك": "أنا طالب منكم خدمة، ودي أول مره اطلب فيها خدمه منكم، أنا هاقولكوا إيه الموضوع، فيه بعض الأصدقاء والصحفيين الأعزاء كلموني وقالولي إن في أكاونتات كتيرة منتحلة شخصيتي وحاطين صورتي واسمي".


وأضاف: "وطلبوا مني أرد على الأكاونتات المزيفه دي لأنهم بيتكلموا بلساني والناس بتصدق وبعض الناس بتشتم من غير حتى ما يتأكدوا إذا كانت الأكوانتات دي بتاعتي فعلا ولا لأ، المهم أنهم طلبوا مني أرد وأوضح الصورة، فأنا لقيت نفسي بقولهم جملة قولتها قبل كده في أحد مشاهد فيلم ألف مبروك، قولتلهم " والله ما أنا رادد" فضحكوا".


وأكمل: "علشان كده أرجوكم أي حد يقابل في وشه أي أكونت يحمل اسمي أو صورتي ياريت يتاكد أنه حقيقي قبل ما يتعامل معاه، وللعلم أنا معنديش أكونتات خالص مش مؤكدة، كلها مؤكدة بعلامة الصح الزرقاء".


وواصل: "الخدمة بقى اللي أنا طالبها منكم إن أي حد يشوف أي اكونت منتحل اسمي وصورتي على فيسبوك أو تويتر أو انستجرام إنه ( يعمل معاه الصح )، وطبعا الصح الي انا اقصده انه ينصحه ويقوله "كده كوخه"، طبعًا أنا اللي خلاني اأطلب هو الحب العشم والله، شكرا جزيلًا".



اقرأ أيضًا:

  • تعليقات فيسبوك
  • اعلان