رئيس التحرير: عادل صبري 11:30 مساءً | السبت 24 أغسطس 2019 م | 22 ذو الحجة 1440 هـ | الـقـاهـره °

حسام بهجت: المفاوضات على "تيران وصنافير" منذ 9 شهور وإعلامنا ساكت

حسام بهجت: المفاوضات على تيران وصنافير منذ 9 شهور وإعلامنا ساكت

سوشيال ميديا

حسام بهجت

حسام بهجت: المفاوضات على "تيران وصنافير" منذ 9 شهور وإعلامنا ساكت

عبدالله بدير 11 أبريل 2016 16:40

انتقد الكاتب الصحفي، حسام بهجت، تعامل الإعلام مع قضية إعلان تبعية جزيرتي "تيران" و"صنافير" للسعودية.


وقال في تدوينة عبر حسابه على موقع التواصل الاجتماعي "فيس بوك": "عشان كده بنقول إن الصحافة الحرة من ضرورات الأمن القومي مش بس من ضرورات الحريات العامة، يعني نكتشف امبارح (من الجرايد السعودية مش المصرية)، أن النظام المصري بقاله شهور بيتفاوض في السر مع الجانب السعودي عن تعيين الحدود البحرية بين البلدين من شهر يوليو اللي فات، أيوه من يوليو 2015 فيه مفاوضات بقيادة ولي العهد ووزير الدفاع السعودي".


وأضاف: "لو كنا بلد محترمة كان الإعلام الحر والمستقل في بلدنا هيتابع المفاوضات دي ويشرح لنا تفاصيلها على مدى 9 شهور، فبدل ما كل واحد فينا عمال يدور دلوقتي في مكتبته وعالنت عشان يفهم حكاية الجزيرتين بعد توقيع الاتفاقية على سهوة أول امبارح".


وأكمل: "كنا هنكون فاهمين تفاصيل النزاع وموقف الطرفين ومكاسب كل طرف من الاتفاق وإيه سبب عدم لجوء مصر والسعودية للتحكيم الدولي وديًا، والقبول بعدها بنتيجة التحكيم وإيه اللي حصل عليه النظام المصري في مقابل التنازل بدون خناقة، وإيه سر تغير الموقف المصري من 2010 إلى 2016."


وواصل: "وكان وارد جدًا ساعتها ناس تقتنع عن اطلاع بأن الموقف السعودي سليم أو تفضل ناس مقتنعة أن الموقف المصري المستمر حتى 2015 كان هو اللي صح، بس في جميع الأحوال كان السيسي والمفاوضين المصريين هيكونوا تحت ضغط من الشعب اللي المفروض انتخبهم وحريصين على حقوق البلد ومهتمين يشرحوا لنا الموضوع، بدل ما ينزل على قفانا مرة واحدة كده في عناوين الصحافة". 


وتابع: "الصحافة الحرة لو كانت عملت شغلها بدون تكتيف أو تواطؤ كانت هتحمي الأمن القومي المصري من أي تفريط او حتى من الشائعات، لكن لمّا يكون الحاكم بيتعامل مع البلد على أنها كلها أرضه ومع المواطنين على أنهم ضيوف بنوصل بالظبط للمكان اللي إحنا فيه دلوقتي، اللي هو القليل من المعلومات والكثير من التضارب فضلًا عن احساس لن يزول بالمهانة وقلة الحيلة والضرب على القفا".




وأعلن مجلس الوزراء، مساء أمس الأول السبت، على لسان متحدثه الرسمي حسام القاويش تبعية جزيرتي "تيران" و"صنافير" الواقعتين بالبحر الأحمر للسعودية وفقًا لاتفاقية ترسيم الحدود بين البلدين.


اقرأ أيضًا:

  • تعليقات فيسبوك
  • اعلان