رئيس التحرير: عادل صبري 05:18 صباحاً | الأربعاء 21 أغسطس 2019 م | 19 ذو الحجة 1440 هـ | الـقـاهـره °

زياد العليمي: لهذه الأسباب.. التنازل عن "تيران وصنافير" حبر على ورق

زياد العليمي: لهذه الأسباب.. التنازل عن تيران وصنافير حبر على ورق

سوشيال ميديا

زياد العليمي

زياد العليمي: لهذه الأسباب.. التنازل عن "تيران وصنافير" حبر على ورق

مصطفى المغربي 10 أبريل 2016 07:06

ذكر البرلماني السابق زياد العليمي أن التنازل عن جزيرتي "تيران وصنافير" للمملكة العربية السعودية بمثابة حبر على ورق.

 

وقال في تدوينة عبر حسابه على مقوع التواصل الاجتماعي "فيس بوك": "طيب باختصار علشان الناس القلقانة، الاتفاق اللي تم توقيعه بخصوص الجزيرتين مالهوش أي قوة، ومايساويش أكتر من الحبر اللي اتكتب بيه لعدد من الأسباب".

 

وتابع: "المادة ١٥١ من الدستور بتلزم إجراء استفتاء شعبي على أي اتفاقية لترسيم الحدود، ودة ماحصلش، فالتوقيع باطل، في حالة الخلاف - ودة مش موجود، المرجع بيبقى خرائط منح السيادة اللي رسمتها الدولة العثمانية، ودي بتثبت حق مصر في الجزيرتين".

 

وأضاف: "سنة ١٩٥٠ السعودية بعتت رسالة رسمية لبريطانيا وأمريكا في إقرار بتبعية الجزيرتين لمصر، وفي حالة الخلاف - ودة مش حاصل برضه لبطلان إجراء التوقيع نفسه - الدول بترجع للقانون الدولي للبحار الدولية، واللي بيقول إن أي دولتين بينهم ممر ملاحي محدود المساحة، بتتناصف الدولتين الممر، وخليج العقبة ٢٤ ميل بحري، والجزيرتين موجودين في ال ١٢ ميل بحري اللي تبع مصر".

 

وواصل: "المشكلة مش في إننا هنعمل إيه، لإن أي حد هيرفع دعوى أمام مجلس الدولة - ودوّل كتير - هيبطل الاتفاقية، وأي تحكيم دولي في أي يوم، مصر ليها الجزيرتين باللي هيكون عليها، المشكلة في النظام اللي مبرره الوحيد المعلن للحكم هو الحفاظ ع البلاد ضد الخطر الخارجي، وهو اللي بيفرط في مياة النيل، وغاز البحر المتوسط، وأرض الجزر المصرية، ولسة فيه ناس بتصدقه، والمشكلة الأكبر، مش إن النظام بيرتكب جرايم في حق شعبه ووطنه، لكن إنه وصل لمرحلة بقى فيها أفشل من إنه يرتكب جريمة صح".

ووقع الرئيس عبد الفتاح السيسي والعاهل السعودي الملك سلمان بن عبد العزيز 17 اتفاقية أبرزها اتفاقية إنشاء جسر بري بين السعودية ومصر، واتفاقية لترسيم الحدود البحرية بين البلدين.

 

وأعلن السفير حسام القاويش المتحدث الرسمي باسم رئاسة الوزراء أنه تم عقد لجان لترسيم الحدود بين مصر والمملكة العربية السعودية وتم وضع جزيرتي صنافير وتيران ضمن الحدود السعودية، لوقعهما في المياه الإقليمية للمملكة.

 

اقرأ أيضًا:

  • تعليقات فيسبوك
  • اعلان