رئيس التحرير: عادل صبري 01:34 صباحاً | الخميس 13 ديسمبر 2018 م | 04 ربيع الثاني 1440 هـ | الـقـاهـره 22° غائم جزئياً غائم جزئياً

تقادم الخطيب عن نائل حسن بعد القبض عليه: «رفض العمل في حملة السيسي الرئاسية»

تقادم الخطيب عن نائل حسن بعد القبض عليه: «رفض العمل في حملة السيسي الرئاسية»

سوشيال ميديا

تقادم الخطيب

تقادم الخطيب عن نائل حسن بعد القبض عليه: «رفض العمل في حملة السيسي الرئاسية»

طارق عزام 22 أبريل 2017 21:28

علّق الناشط السياسي، تقادم الخطيب، على واقعة القبض على عضو حزب الدستور، نائل حسن، والتحفظ عليه، بتهمة الإساءة للرئيس عبر الإنترنت.

 

وكتب «الخطيب» عبر حسابه الشخصي على موقع «فيس بوك»: «خد دي عندك علشان تعرف مين هو نائل حسن؛ نائل اتعرض عليه من بعض الأمنجية اللي اترموا علينا بعد الثورة؛ ودخلوا الجمعية الوطنية، إنه يشتغل في حملة السيسي الرئاسية؛ وإيه المقابل؟! وعدوه بحاجات كتير من بينها مناصب أو انه ممكن يكون مرشح قائمتهم في مجلس الشعب وبالتالي يعني حيكون عضو برلماني. نائل رفض وإجابته كانت: "السكة دي مش بتاعتي"».

 

وتابع تقادم: «الموقف ده اتكرر مع كذا حد من الشباب وكمان رفضوا. بس نائل ليه خصوصية ومحبة في قلبي غير عادية لأنه مخلص وجدع وكنت فخور اني أعرفه وإني الجمعية الوطنية جمعتنا مع بعض من قبل الثورة».

 

وأضاف تقادم: «بكتب عن نائل مش علشان هو واحد من الناس اللي ساهمت في التغيير قبل الثورة ؛ وده مش معناه إني بأخصخص الثورة علي حد معين أو بأختزل الفضل علي حد؛ لكن من باب إعطاء الناس حقها. قبل ما أسافر من مصر كان من آخر الناس اللي اتكلمت معاها وسبحان الله قبل ما يعتقل بكام يوم كنت برضه باتكلم معاه. كنت بأعتبره ضمير وبوصلة في حاجات كتير ؛ وفي الليلة الظلماء يفتقد البدر يا نائل.. نائل حسن حر».

 

 

وأفادت الناشطة السياسية، ماهينور المصري، مساء أمس، إن النيابة قررت تجديد حبس نائل حسن، عضو حزب الدستور، 15 يومًا، بعد أن أُلقي القبض عليه، في الإسكندرية، الخميس الماضي.

 

وتم توجيه عدة تهم لنائل حسن بينها الإساءة لشخص رئيس الجمهورية عن طريق الإنترنت، والانضمام لجماعة مؤسسة على خلاف أحكام القانون، والاشتراك مع مجموعة لإثارة الرأي العام وعرفة مؤسسات الدولة وإسقاط النظام.

  • تعليقات فيسبوك
  • اعلان