رئيس التحرير: عادل صبري 06:58 صباحاً | الأربعاء 26 سبتمبر 2018 م | 15 محرم 1440 هـ | الـقـاهـره 34° صافية صافية
كمل جميلك

ساحة الحرية

الشاعر والكاتب الصحفي خالد كامل

كمل جميلك

خالد كامل 27 أغسطس 2016 14:28

طرح الشاعر والكاتب الصحفي خالد كامل قصيدة جديدة بعنوان "كمل جميلك".

 

وإلى نص القصيدة:

كمل جميلك
وافرض ضرايبك ع الصلاة

وع الزكاة
وع الصيام
كمل جميلك
وافرض ضرايبك
ع الكرام والهمام
وع اللي صاحي واللي بيفكر ينام
وطنش حبايبك
وقرايبك
ونسايبك
حتى أولاد اللئام
كمل جميلك
وافرض ضرايبك ع العشاق
وأصحاب الهيام
أو حتى طفل كل همه
يلاقي أب يديه إهتمام
طفل، حلمه بالوطن
أصبح حرام
كمل جميلك
وافرض ضرايبك ع اللي قاعد
واللي قام
والعجول والكسول
واللي بيفكر يمد
قال إيه، مش فاضي، عنده التزام !!
آه نسيت أقولك
ع اللي بيصلي السنن
أو حتى بالليل القيام
واللي بيجامع مراته
أو حتى بنت في الحرام
واللي راح يعقد قرانه
في الشوارع، في الجوامع
واللا حتى في الخيام
كمل جميلك
وافرم ظهيرك ونصيرك
والغلبان،
الوحيد اللي بيديك التمام
بس انا مش فاهم
قصدي خايف
قصدي متنيل وعايش
ع الوعود ومتحمل كل الآلام
ماسك لساني جوه بقي
مانعه من كل الكلام
مستني للفجر الأذان
يمكن يتشال الغيام. ..

  • تعليقات فيسبوك
  • اعلان