رئيس التحرير: عادل صبري 03:05 صباحاً | الأربعاء 19 سبتمبر 2018 م | 08 محرم 1440 هـ | الـقـاهـره 36° صافية صافية

"أنا مش إرهابي يا خال"

أنا مش إرهابي يا خال

ساحة الحرية

معتز بالله محمد

"أنا مش إرهابي يا خال"

معتز بالله محمد 19 أبريل 2016 15:38

أنا مش إرهابي يا خال
أنا صحفي..

غلبان وعندي عيال

 

أكْل عيش يعني..

بتاع قلم ومقال

 

جورنالجي بتسموه

لكني مش طبال
 

أنا مش إرهابي يا خال

أنا صحفي..

بكشف حقايق وأقول..

اللي ما بيتقال

 

منحاز لكل الوطن

قلبي مع الفلاح

وبدعم الطلاب

وأناصر العمال

 

بكشف فساد اللي فوق

وأجيب لهم إسهال
 

لو قلمي بيخوفك..

يبقى انت ماشي شمال
 

أنا مش إرهابي يا خال

أنا صحفي..

يعني أمانة ف رقبتي

أتصدى للي باع

حاكم وحاشية وحرس

سحرة ورجال أعمال

 

أسأل عن اللى اتصرف

أموالنا فين راحت؟

والأرض ليه هانت؟

مليون سؤال وسؤال

 

أنا مش إرهابي يا خال

أنا صحفي

رسول ومش دجال

 

واحنا هنا فريقين

صحفي فـ بلاط حضرتك

فاتحها ع البحري

من غير ضمير شغال

 

كذاب، منافق، ماكيير

بيمكيج الوحشين..

بلياتشو غاوي حبال

 

وقلمه لو ينطق

يقوله يا ابن الـ..

ارحمني يا محتال

 

والتاني صحفي الناس

مطرود من جنتك..

مريض بحب الوطن

رافض يبيع ذمته

لرجال سياسة ومال
 

عايز ياكلها بشرف

رافض ياكلها بقرف

متغمسة أوحال

 

  • تعليقات فيسبوك
  • اعلان