رئيس التحرير: عادل صبري 10:00 صباحاً | الجمعة 21 سبتمبر 2018 م | 10 محرم 1440 هـ | الـقـاهـره 34° صافية صافية

مرتضى لعبد الواحد: مش مكسوف من نفسك؟ اعتزل أكرملك

مرتضى لعبد الواحد: مش مكسوف من نفسك؟ اعتزل أكرملك

رياضة

مرتضى منصور

مرتضى لعبد الواحد: مش مكسوف من نفسك؟ اعتزل أكرملك

كريم البكرى 26 يوليو 2014 13:17

فتح مرتضى منصور رئيس نادي الزمالك، النار على عبد الواحد السيد، قائد الفريق، بسبب تهديده بشكوى الزمالك لاتحاد الكرة للحصول على مستحقاته المتأخرة، ساخرا من إعلان قائد الزمالك أأنه سيتولى رئاسة النادي في المستقبل.

وقال منصور ساخرا: "بقول للأخ عبدالواحد السيد، اللي بيقول أنا هبقى رئيس نادي الزمالك.. ياما.. أنا خفت.. يا بني هو انت عضو في النادي أصلًا؟، وبعدين ياعم تعالى استلم النادي من دلوقت، دي تركة كلها هموم، ده انت كنت عامل 2 صليبي واتعاقدت معاك تكريما ليك، هو انت أما نخسر 9 سنين بطولات الجمهور كان بييجى ناحيتك؟، عاوز تشتكي اشتكي؟، الفلوس دي كانت على ممدوح عباس مش على مرتضى، عبدالواحد كان ليه 7 مليون و300، طلع واحد مليون و300 فى الـ3 أشهر بتوعي، وعباس مدالوش مليم".

وأضاف منصور في مؤتمر صحفي بنادي الزمالك "كنت فين يابو شنب أيامها، مانت ساكت 4 سنين، يعنى انت يا تلعب بالعافية ياتقول إدينى فلوسى وتشتكينى، أنا اللى خليت عبدالواحد يحضر نهائى الكأس علشان يرفع الكأس، وعبدالواحد قال لو حازم لمس الكاس همشى، واتحملناك، لكن إحنا مبنتهددش ومبنخافش، وأنا لو منك احترم نفسى واعتزل، إحنا كرمنا، وقولنا يمكن تيجى منك، ماحنا شوفنا جون خالد قمر وجون أنطوي لما اداله الكورة علشان يجيب جون".

وتابع "لا ياعبدالواحد مش هديك ولامليم واشتكينى، هو ده وقته إنك تتكلم والفريق مقبل على بطولة إفريقيا؟، إدونى فلوسى إيه هو انت خدت بطولات؟، إنت مش مكسوف، الأهلى سبقك في بطولات أفريقيا؟، هو أنا لقيت بير بترول علشان أديك 5 مليون وغيرك 4 مليون؟".

اقرأ أيضًا:

 

  • تعليقات فيسبوك
  • اعلان